Mphaniɔ 1:11 - Ɔngana á Kɛ̌kɛ

¹¹ Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 1:11 Iomraidhean Croise

Ekuma á ɓateki 16:14

Ka ɓake ndɔ moci, ina akɛ Lúdia nto á ka Tuatɛ́a, n'ande phɔtɔ nsombisigi ngɔ́mbɛ ánjɛ nnde ana esombi akpɛ, n'ande mɓángi-Mokonga. Mɔkɔta áokoɗa měma akɛ ka ɔ́ka bîbíbí yɔnga ndea Pɔ́lɔ.

Ekuma á ɓateki 18:24

Ka matú ndɔ, Moyúda moci inakɛ Apɔ́lɔ, mmbé ntanga-nji nɛkɛ á ɓɔkɔtɛana ande Alɛsanduía, áojua ka Ɛphɛ́sɔ. Ɗátú nto á kaátó na úba Ɓuku á Mokonga phɛɛ.

Ekuma á ɓateki 20:17

Cɔ, ka Milɛ́tɔ, Pɔ́lɔ áotekisa mbino ka ɔphana á ɓagbɛga á kanisa á ka Ɛphɛ́sɔ.

1 Ɓakɔlítɔ 15:32

Cɔ, atú oɓá na ɗémani na ɓanyama á kae-kae ka Ɛphɛsɔ ka nyɔngɔ á kokpa, ekende nɛtɔi kau? Kaɓɛ ɓasí na ɓákáojujuka ka kukuwa, a tɔ ɓíndɔ ɓáyɔngi ka mɛní gea: «Ɓéɛgɛni na ɓénoɛni nga, mama, ɓekuwande.»

1 Ɓakɔlítɔ 16:8

Kaɓondo, neikande wani ka Ɛphɛ́sɔ na ka ɓî esa á Pantɛkɔ́tɛ ajúande.

Ɓaɛphɛ́sɔ 1:1

Ka ɓaɓêki á ka Ɛphɛ́sɔ sambani! Eme Pɔ́lɔ nende nteki nde ɓa Kiísito Yéso ka mɔphɛ á Mokonga. Nenóɗundui ɓenu ɓato á Mokonga ka Ɛphɛ́sɔ ɓunde ɓoɓeeki suɓi á ɔngana na Yéso Kiísito.

Ɓakɔlɔsái 2:1

Nekondi gǎkɛ ɓóúbɛ ɓî nɛɔbɛɗanaga akpɛ ka phɔanu, ka phɔa ɓaɓêki á ka Laɔdikía na ka phɔa ɓakpa ɓɔbu ɓunde ɓákámɔɔnimbɛ mɔnɔ.

1 Timɔtɛ́ɔ 1:3

Ɓî ɗétúoga na Makɛdɔnía, ɗékongonɗi gea, óikɛ ka Ɛphɛ́sɔ. Kó, óimisiɛ ɓakpa nde ɓáogoisaga ɓɔphɛi á mbɛa.

Mphaniɔ 1:17

Ɓî ɗɛ́mɔni, néogua k'écinji akɛ ɓea nkpa n'aku. Wa, â gǎkɛ obisa njaga akɛ á mǔku gǔ ani, áɔyɔnga ɓe: «Koɓángɛmbɛ! Eme aámbé nende Nkpangeɔ na Sungiaga.

Mphaniɔ 1:19

Cɔ, ɗundua kema nde ɗɔ́ɔni, na nnde á kɛ̌kɛnde, na nnde abikaeka.

Mphaniɔ 1:2

Yoáni ɗáɗigimisi nyɔngɔ ndɔ ɓe: «Kema bui nde ɗɛ́ɔni ande Nyɔngɔ á Mokonga n'ande ɗoni gea, Yéso Kiísito aámbé aɗigimisi ú.»

Mphaniɔ 1:20

Kantíti á ɓɔsɔmɛa ka ɓasɛɛngɔa ngianjaga iɓɛ (7) ndɔ ɗɔ́ɔni ka njaga ani á mǔku, na tɛta á ɔbɛa ngianjaga iɓɛ (7) nde ɓáɓɔngisigi na láté a ɓe: Ɓasɛɛngɔa ngianjaga iɓɛ (7) ande ɓamalaéka ndea Mokonga á ka kanisa ngianjaga iɓɛ (7) ndɔɔ. Ɓatɛta á ɔbɛa ngianjaga iɓɛ (7) ndɔ, ande kanisa ngianjaga iɓɛ (7).

Mphaniɔ 1:4

Eme Yoáni nenóɗundui ɓenu ɓato á kanisa ngianjaga iɓɛ (7), nnde a ka nji á ka Asía. Ambe Mokonga mmbé aɓei, mmbé ɗátú na mmbé abikande ánóphɛ ɓonjánja-ékondi na ɓujɛjɛ. Ɓonjánja-ékondi na ɓujɛjɛ ndɔ átókɛ phɔtɔ ka měma ngianjaga iɓɛ (7), ɓunde ɓáoika mosá á kankaanga á koɓoamɛ nɛkɛ áɓɛ na ɓenu.

Mphaniɔ 1:8

Mɔkɔta Mokonga Mɛna-ɓukpɛkpɛ bui, mmbé aɓei, mmbé ɗátú ɓei na mmbé aobika agi te: «Nende Alpha na Ɔmɛga.»

Mphaniɔ 10:4

Mbusa á ɔ́kɛkana á ɛsɔ á ɓaoka á mbua ngianjaga iɓɛ (7) ndɔ, néogea néɗunduɛ nyɔngɔ ndɔɔ. Nê gǎkɛ ɔɔ́ka ɛsɔ, n'atóki na koba, gea: «Koɗunduɛmbɛ nyɔngɔ ndɔ ɓáoka á mbua ngianjaga iɓɛ (7) ayɔngi, áɓɛ ndiu kema á ɓɔsɔmɛa.»

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»

Mphaniɔ 2:1

Nɗunduia malaéka á kanisa á ka Ɛphɛ́sɔ ɓe: Mmbé ɛ̌bɛɗi ɓasɛɛngɔa ngianjaga iɓɛ (7) ka njaga akɛ á mǔku, n'aotamba sɔsɔɓɛ á tɛta á ɔbɛa ngianjaga iɓɛ (7) á láté ayɔngi ɓe:

Mphaniɔ 2:12

Nɗunduia malaéka á ka kanisa ndea ka Pɛɛgámɔ ɓe: Mmbé ana píndí nde aophea nci gbɔgbɔ ayɔngi ɓe:

Mphaniɔ 2:18

Nɗunduia malaéka á ka kanisa ndea ka Tuatɛ́a ɓe: Muna-Mokonga mmbé iso akɛ aɔbɛnya ɓea owanga á nsa, ecinji akɛ aophenuaga ɓea ngɔa nde ɓáphɔni ánjá phɛɛ, ayɔngi gea,

Mphaniɔ 2:24

Cɔ, ka ɓenu ɓato á ka kanisa á ka Tuatɛ́a, ɓunde ɓókótóɓeeki ɓɔphɛi ndea nke ndɔ Yɛjɛbɛ́li, na ɓókóoúba kema nde ɓakpa ndɔ ɓáɔɔphana ‹kema á ɓɔsɔmɛa ndea Sɛtáni›, nenóngoɗi gea, kénokumbisɛku nkumba nɛngbo.

Mphaniɔ 2:8

Nɗunduia malaéka á ka kanisa ndea ka Smúna ɓe: Mmbé ande Nkpangeɔ na Sungiaga, mmbé ɗáku, áojujuka ka kukuwa, ayɔngi ɓe:

Mphaniɔ 21:5

Cɔ, mmbɔ aiki ka kankaanga á kɔkɔta áɔyɔnga te: «Nɛɓɔngisigi ye tɔ kema bui á kɛ̌kɛ.» Áomongoɗea gea: «Ɗundua nyɔngɔ nde nga, Mbino nɛmɔ aánjá áoɓá á ɗoni á ɗoni.»

Mphaniɔ 22:10

Mpɔ, áomongoɗea te: «Kɔsɔmɛɛ mɔnɔ nyɔngɔ nde ɓáɔtú suɓi á ɓuku ndee. Nga, mbenɔ átɔtɔkɛana á nyɔngɔ ndɔ, abîmani.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 3:1

Nɗunduia malaéka á ka kanisa ndea ka Sáadi ɓe: Mmbé ana měma ngianjaga iɓɛ (7) á Mokonga na ɓasɛɛngɔa ngianjaga iɓɛ (7) ayɔngi ɓe: Neoúba ekuma nɛkɔ, ne phɔtɔ oúba gea oúbikani te ooenda, na o ye ku gǎkɛ.

Mphaniɔ 3:14

Nɗunduia malaéka á ka kanisa ndea ka Laɔdikía ɓe: Mmbé ɓáɔmɔphana Áɓɛ ɓó, nɗigimisi nde akeni na mmbé ande ɗoni, nkpangeɔ á kema bui nde Mokonga ɗáconji ayɔngi ɓe:

Mphaniɔ 3:4

Cɔ, o gǎkɛ na ɓakpa ɓuangbo ka Sáadi, ɓunde ɓákájɔɔkisi bɔngɔ ɓó. Ɓɔ ɓáunge ɓátambande kimoci n'eme na ɓáɔ́li bɔngɔ-ábu nga, ɓákeni ně.

Mphaniɔ 3:7

Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe: