Mphaniɔ 1:1 - Ɔngana á Kɛ̌kɛ

¹ Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 1:1 Iomraidhean Croise

Yoáni 12:49

Kɛ́yɔngi ka kɔkɔta nɛmɔ. Abɛ, mmbé amoteki, aámbé amososi ndiu nyɔngɔ bui nde akeni nɛ́tɔ̌miɛ ɓakpa, na goisaga aɓɔ ně.

Yoáni 15:15

Ne ye tɔ ɔnɔɔphana ɓadani nga, nenóphangigi kema bui nde Abɛ ɗámongoɗi. Kaɓondɔ unge, ké ye ɔnɔɔphana ɓakɔɓɛ nga, nkɔɓɛ nnaoúba kema nde mɔkɔta nɛkɛ aogea.

Yoáni 17:8

Nga, ɓoabi nde ɗómopi, ɗɛ̌tɔ̌mi, ɓáoɓeekea ú. Ɓáúbi ɗoni gea, netóki mɔtɛ-akɔ. Ɓáoɓeekea gea, oɓɛ aámbé ɗómoteki.

Yoáni 3:32

Aoɗigimisa nyɔngɔ nde aɔni na ɔ́ka í. Nna ndiu na nkpa nde aomɓeekea.

Yoáni 8:26

Nena nyɔngɔ ásii á yɔnga na tena í ka phɔanu. Cɔ, mmbé amoteki, ande nto á ɗoni. Nɛ tɔ ɔ̌tɔmia ɓato á ka mokonda, nnde nɛɔ́ki mɔtɛ-akɛ.»

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓagalatía 1:12

Nga, nna nkpa aámbé ɗámopi na goisaga ani ú. Yéso Kiísito ndiu aámbé amogoisigi ú.

Ɓaɛphɛ́sɔ 3:3

Mokonga aámbé ɗámɔɔphani ka úbisa ani moangɔ nɛkɛ á ɓɔsɔmɛa. Ɗéneɗundu ábɔa ka nyɔngɔ í gǔ.

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

Mphaniɔ 1:19

Cɔ, ɗundua kema nde ɗɔ́ɔni, na nnde á kɛ̌kɛnde, na nnde abikaeka.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 17:1

Mpɔ ka ɓamalaéka ndea Mokonga ngianjaga iɓɛ (7) ɓundɔ ɗáɓábɛɗi cǎ ngianjaga iɓɛ (7), moci áobika omongoɗea te: «Bika, nekophangiande ɓî ɓátenande nyɔngɔ á nke nde mambɔ ampháki mmbé aiki sɔsɔɓɛ á ɓaniki á iɓo.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»

Mphaniɔ 21:2

Néɔɔna ntanga-nji á kanga ɓojeɗe, Yɛusalɛ́ma á kɛ̌kɛ n'aodida ka toka na koba mɔtɛ á Mokonga n'aɛphɔni ɓea nke n'aomɓondeaga munyakɛ.

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»

Mphaniɔ 22:1

Mpɔ, malaéka ndɔ, aómophangia oɓenge á enda n'aophénuaga ɓea ngaɛ́, áojuana ka kankaanga ndea Mokonga na Muna-mɔgɔgɔ.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 22:6

Mpɔ malaéka áomongoɗea te: «Nyɔngɔ nde ande á seɓea í nga, ande ɗoni. Mɔkɔta Mokonga mmbé Měma akɛ ɗáɔ̌sɔndɔɛa ɓaɔtu-nyɔngɔ nɛkɛ, yɛ aámbé anteki malaéka nɛkɛ gea, ágɛ áephangiɛgɛ ɓabɛɗanigi nɛkɛ nyɔngɔ nde aobika kɛ̌kɛnde.»

Mphaniɔ 22:8

Eme Yoáni aámbé ɗɛ́ɔ́ki nyɔngɔ ndɔ na ɔna í. Mbusa á ɔna na ɔ́ka í, néogbúka muanku mosá á malaéka nde ɗámophangi nyɔngɔ ndɔ ka beba akɛ.

Mphaniɔ 22:9

Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»

Mphaniɔ 4:1

Mbusa índɔ, ɗɛ́ɔni mphaniɔ nɛngbo, kǐo á na koba n'aúkukani. Ɛsɔ nde ɗɛ́ɔ́ki n'aɔyɔnga n'eme mosá, n'akengeani na ɛsɔ á mbengu, áomongoɗea: «Cɔ, ɗapha koni, neophangiande nnde akeni ákiɗianɛ mbusa.»

Mphaniɔ 5:7

Cɔ, Muna-mɔgɔgɔ áɔsɛkɛɗa, áɔbɛɗa ɓuku nde ɗátú ka njaga á mǔku á mmbé ɗáiki ka kankaanga á koɓoamɛ.