Philɛmɔ́nɔ 1:24 - Ɔngana á Kɛ̌kɛ

²⁴ Ɓadani ɓabɛɗanigi: Málikɔ, Aistákɔ, Dɛ́ma na Lóka, ɓánósambei phɔtɔ.

Philɛmɔ́nɔ 1:24 Iomraidhean Croise

Ekuma á ɓateki 12:12

Ɓî aengekisi ye gǎkɛ nyɔngɔ ndɔ, áoga mɔtɛ á Malía, amakɛ na Yoáni, mmbɔ ɓáɔmɔphana Málikɔ. Kó, ɓakpa ɓásii ɗáɓádondanigi ka mɛma á Mokonga.

Ekuma á ɓateki 12:25

Cɔ, ɓî Baanába na Saúlɔ ɓágɔɓi ye ekuma nɛɓɔ ka Yɛusalɛ́ma, ɓáɔmbɛɗa Yoáni, mmbé ɓáɔmɔphana Málikɔ, áoja na ɓɔ.

Ekuma á ɓateki 13:13

Mbusa, Pɔ́lɔ na ɓadakɛ ɓáotóka na Páphɔ, ɓáokambea ka koko ángbó, ɓáojaba ka Pɛ́ɛga nnde á ka ntanga-nji á ka Pamphilía. Wa, Yoáni-Malíkɔ áokatana na ɓɔ, áoja na Yɛusalɛ́ma.

Ekuma á ɓateki 19:29

Kɛ̌kɛndɔ, oyombo áɔɛmba ka ntanga-nji bui. Ɓáǒdunga Gáyɔ na Aisitákɔ ɓato á ka Makɛdɔnía ɓunde ɗáɓáotamba na Pɔ́lɔ. Ɓáokamisaga ngia ɓɔbu ka ntanga á njoko.

Ekuma á ɓateki 27:2

Wa, ɓéokambea ka koko nde ɗátóki na Adaamíti, n'aoga ka ikɔ ɗanga-ɗanga á nji á ka Asía. Mpɔ, ɓéoga. Aisitákɔ nto á ka ntanga-nji á ka Makɛdɔnía, ka nji á Tɛsalɔníka, ɗátú phɔtɔ kimoci na ɓesu.

2 Ɓakɔlítɔ 8:23

Títɔ ande phɔtɔ dani. Nɛɔbɛɗanaga kimoci na yɛ ka ɓenu. Ɓadasu íɓundɔ ɓáge na yɛ, kanisa unge aéteki, ɓáɔbɛɗanaga ka ɓoombia á Kiísito.

Ɓaphilípi 2:25

Cɔ, nɛtɔ́ɔni ánjá gea nentekɛ goto Ɛpaphɔdítɔ mɔtɛ-anu. Yɛ, ande dani, aɔbɛɗanaga kimoci n'eme, na a phɔtɔ nto émani ɓea eme. Yɛ aámbé ɗóɓonteki ka enga ani na kema nde ɗéna siki í

Ɓaphilípi 4:3

Eya, dani á ɗoni, nɛɔmɛmi, óenga ɓake ndɔɔ. Nga, ɓátambigi kimoci n'eme k'ékuma á Mbino-Ánjá ndea Kiísito. Ɗáɓátú phɔtɔ na Kɛɛmá, na ɓadani ɓabɛɗanigi ɓuangbo. Mokonga aɗundu gǎkɛ ina aɓɔ suɓi á ɓuku á enda á mɛyɔ.

Ɓakɔlɔsái 4:10

Aisitákɔ mmbé a ka mekakɔ kimoci n'eme anósesi. Málikɔ, ayakɛ na Baanába anósesi phɔtɔ. Ɗénegɔɓi na nɛnɔɔkusigi ka nyɔngɔ á Málikɔ gea, aoɓá n'ajú mɔtɛ-anu, nseseani.

Ɓakɔlɔsái 4:14

Dasu ékondi Lóka, mmbɔ nsaku, na Dɛ́ma, ɓánosesi.

1 Pɛ́tɛɛ 5:13

Ɓato á ka kanisa á Babɛ́li ɓunde Mokonga ɛ̌sɔmbu ɓea ɓenu, ɓánósesi. Málikɔ miki nɛmɔ á ka měma anósesi phɔtɔ.

3 Yoáni 1:8

Cɔ, akeni ɓesu ɓéengɛ ɓadasu ndɔ ka gea, ɓéjúkanɛ na ɓɔ k'ékuma á tɔ̌mia á ɗoni.