Philɛmɔ́nɔ 1:22 - Ɔngana á Kɛ̌kɛ

²² Gǔ índɔ, ɓɔngisiaga phɔtɔ kani ɔma á tɔ̌. Nga, neseɓei te, Mokonga aɔ́kande ɛmɛmi nɛnu, â goto omojisa mɔtɛ-anu.

Philɛmɔ́nɔ 1:22 Iomraidhean Croise

Ekuma á ɓateki 27:24

áomongoɗea te: ‹Pɔ́lɔ, koɓɛmbɛ na kɔɓɔɓɔkɔ! Akeni ɓágɛ yɔngisɛ nyɔngɔ nɛkɔ mosá á moamɛ á Ɓalɔ́ma. Ɓî Mokonga akondi gama akɔ, yɛ ěamisande ɓakpa ɓɔbu ɓunde otambí na ɓɔ.›

Ekuma á ɓateki 28:23

Ɓakɔta á Ɓayúda ɓunde ɗáɓátú ka Lɔ́ma ɓáɔɔ́kana na Pɔ́lɔ esa á dondana goto na ɓɔ. Esa kau, ɓáodondanaga ɓakpa ɓásii k'ɔ́ma ndɔ ɗáoikaga. Kpanga á kamɓimba na ka ɓî age ojua ɔgɔgɔ, Pɔ́lɔ n'aɔ́tɔmiaga, na úbisa aɓɔ nyɔngɔ á koɓoamɛ ndea Mokonga. Áokaɓa gea, ɓámɓeekeɛ Yéso n'aokumia ɛɔphi ndea Mósa na ɓɔphɛi ndea ɓaɔtu-nyɔngɔ ndea Mokonga.

Ɓalɔ́ma 15:24

Mbenɔ nde negande na Spanía, neseɓei gea nɛnɔɔnande ka nyɛ́nyani na ɓomotaɓeande ka tamba ndɔɔ. Neɓande na maseye á ika na ɓenu ka mbenɔ ábɔa.

2 Ɓakɔlítɔ 1:11

Nga, ɓeoúba gea te, ɓosóengande k'ɛ́mɛmi ka Mokonga, yɛ aámbé aɓeekeande ɛmɛmi ndɔɔ. Mpɔ ɓakpa ɓásii ɓáombeba Mokonga ka nyɔngɔ asu, mbusa áosópha ɓonjánja-ékondi nɛkɛ.

Ɓaphilípi 1:19

Nga, neoúba ɗoni gea, ka nyɔngɔ ɛ́mɛmi nɛnu na ɓî Měma á Yéso Kiísito aomoenga aunge sungiaga á tambaga ani, ande ɓoamia nɛmɔ.

Ɓaphilípi 2:24

Neoúba ɗoni gea, aoɓá Mɔkɔta n'akondi, eme sisani nekamisangande gǎ mɔtɛ-anu.

Ɓaɛbulanía 13:19

Nenósosi tɔ ɓenu ɓó nga, nekondi Mokonga ákoɗɛ kani aphe nékamisɛgɛ goto gǎ mɔtɛ-anu.

Ɓaɛbulanía 13:23

Úbani gea ɓankoɗi muna-amasu Timɔtɛ́ɔ. Aoɓá na káiphi ka kiɗia, nebikande na yɛ ka ɔna anu.

Yakɔ́ɓɔ 5:16

Cɔ, Phúiani kaɓu nde nkpa na nkpa atú ně ka dakɛ. Nkpa na nkpa ámɛmɛ phɔtɔ Mokonga ka phɔa dakɛ ka gea ɓóamɛ. Nga, ɛmɛmi á nto á koɗoni ana ɓukpɛkpɛ phɛɛ.

2 Yoáni 1:12

Nena nyɔngɔ ásii á ngoɗea anu, kékondi gǎkɛ ɗunduia anu. Neseɓei ndiu gǎ mɔtɛ-anu ka gea, ɓɛ́yɔngɛgɛ kimoci mpɔ, ɓéoɓá na maseye phɛɛ.

3 Yoáni 1:14

Neseɓei ɔna akɔ kɛ̌kɛnde na ɓɛyɔngagande kimoci.