Philɛmɔ́nɔ 1:16 - Ɔngana á Kɛ̌kɛ

¹⁶ Cɔ, kɛ̌kɛnde, nna ye tɔ ɓea nkɔɓɛ, anyɛ́nyi gǎkɛ nga, a ye muna-amasu ékondi phɛɛ. Eme nenkondi phɛɛ, oɓɛ nkonda goto phɛɛ, ɓea nkpa buakɛ, goto ɓea muna-amasu suɓi á Mɔkɔta.

Philɛmɔ́nɔ 1:16 Iomraidhean Croise

Matáyɔ 23:8

Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Ekuma á ɓateki 9:17

Mpɔ, Ananía áoga. Akiɗi ye k'éndu, áobisa njaga gǔ á Saúlɔ, áongea te: «Saúlɔ dani, Mɔkɔta Yéso, mmbɔ aokiɗianeima k'aphe ɓî otúma obika, amoteki mɔtɛ-akɔ gea, ɔ́ɔnaphɛ goto, Měma á kanga ɓojeɗe átúmɛ phɔtɔ suɓi akɔ.»

1 Ɓakɔlítɔ 7:22

Nga, nkpa nde Mɔkɔta ɗámɔphani n'ande nkɔɓɛ, atóki ye tɔ ka kɔkɔɓɛ ɓî a ye nkpa ndea Mɔkɔta. Nkpa nde Mɔkɔta ɗámɔphani na nna nkɔɓɛ, a ye gǎkɛ nkɔɓɛ ndea Kiísito.

Ɓakɔlɔsái 3:22

Ɓenu ɓakɔɓɛ, ɔ́ɓɔ́kani ɓakɔta nɛnu á ka mokonda ka kema bui. Ɓókoɓɛmbɛ tɔ kɔ̌bɛɗaneaga ámbé ɓánoɓóndigi ka nyɔngɔ á ékondisaga na ɓɔ. Geani ndiu na měma mo, ka nyɔngɔ nde, ɓoomɓánga Mɔkɔta.

1 Timɔtɛ́ɔ 6:2

Ɓakɔɓɛ íɓunde ɓakɔta nɛɓɔ ɓánde ɓaɓêki, ɓákɛ̌ɓɛnjiɛgɛmbɛ ka nyɔngɔ á gea, ɓánde ɓana-amaɓɔ. Akeni ndiu ɓáɛ́bɛɗaneɛgɛ ánjá phɛɛ, ka nyɔngɔ nde ɓakɔta nɛɓɔ ɓánde ɓaɓêki nde Mokonga aekondi. Nyɔngɔ ndɔ unge akeni ɔ́phɛɛ́ na goisaga á ɓakpa.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

1 Yoáni 5:1

Nkpa buakɛ mmbé aɓeeki gea te, Yéso ande Kiísito, ande muna-Mokonga. Nkpa buakɛ mmbé ankondi Abɛ, aekondi phɔtɔ ɓ'anakɛ.