Málikɔ 9:43 - Ɔngana á Kɛ̌kɛ

⁴³ A gǎkɛ oɓá n'ande njaga akɔ aunge aokogusa ka ɓojeɗe, tena ú ce! Nga, aánjá phɛɛ ngia ka enda á mɛyɔ na ona njaga moci tɔndɔ, kɔnyɛ́nya ɓá na njaga iɓɛ mbusa í, óoga ně na Gɛɛ́na nji á ɓasí, ɓunde ɓáotambaga k'ɛ́ɛmbɛ á nsa. Nsa ndɔ nnaoímika. [

Málikɔ 9:43 Iomraidhean Croise

Matáyɔ 17:27

Cɔ, ɓékéokonda ɓɛisa á ɓakpa ndee. Kaɓondɔ, gǎ k'étǔ, ómakeɛ kɔ̌ɓɔ, sú nde ɔɔmɔpha k'ama mosá-mosá, kóɗa aphenɔkɔ akɛ. Kó, odondande imɔna moci, bɛɗa ú, óɓophɛ ka phenda á manjanja ínɛmɔ na ndeakɔ.»

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 3:12

Yɛ, abɛɗi ungɔ ka njaga akɛ, aɔɓɔngisiaga ɔma. Atundagande nganɔ, áobisa k'égbóngbó nɛkɛ, â gǎkɛ ɔɛkɛkisaga mapɛpɛ í ka nsa nde nnaoimika.»

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Málikɔ 9:44

Kó, ana ɓanguja nde ɓákáokuwa, a phɔtɔ na nsa nde nna tanda koímika.]

Lóka 14:13

Cɔ, mbenɔ nde ɔ̌ɓɔphana ɓakpa ka jaí, ɔ́ɓɔphana ndiu ɓaúki, ɓaɗɔti na ɓakeíme-íme.

Lóka 14:21

Mpɔ mbɛɗanigi ndɔ áoja ká tɔ̌mia mɔkɔta nɛkɛ nyɔngɔ ndɔ bui. Nyɔngɔ kau áɔmɓɛisa mɔkɔta éndu. Áongea mbɛɗanigi: ‹Kamisaga gǎ ɔma bui, n'aphe bui á ka ntanga-nji, óbikɛ wani na ɓaúki, ɓaɗɔti na ɓakeíme-íme óngisɛ ɓɔ wani.›

Lóka 3:17

«Abɛɗi ungɔ ka njaga akɛ ka pɛca á mponga. Â gǎkɛ obisa mponga ka tɛta, â ndiu otóɓoa tɔnɛ í ka nsa nde nnaoímika.»

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

1 Ɓakɔlítɔ 9:27

Ne gǎkɛ otambisaga nyama ani phɛɛ ka gea, nena kɔkɔta gǔ í. Ande ka gea, mbusa á phɛá á ɓakpa ɓuangbo, ɓákámoyɛgɛ mɔnɔ.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

Títɔ 2:12

Ɓonjánja-ékondi ndɔ unge, asóphangisi yá á kema ájeɗe, na mɔphɛ á ka mokonda ndee, ɓétambeɛ ka mbenɔ nde na kɔɓɔɔngɛ, na koɗoni na ɓánga á Mokonga.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.