Málikɔ 9:25 - Ɔngana á Kɛ̌kɛ

²⁵ Yéso áɔ̌ɓɔna usɛsɛ á ɓakpa n'aóyamea. Kaɓondɔ, áǒkea ɓansombo, áǒgea: «Ɓenu ɓansombo á ko kaúma na ɓunde á kanga ɔ́kapha nde ca! Nenósosi, júanani suɓi á miki ndee. Ɓókósikiɛmbɛ ye ka yɛ.»

Málikɔ 9:25 Iomraidhean Croise

Matáyɔ 12:22

Cɔ, ɓáombikia Yéso na nkpa moci, mmbé ɓansombo ɗáɓámbisi keíme-íme na kauma. Yéso áonamisa nkpa ndɔ, áokpanga yɔnga na ɔnapha.

Matáyɔ 17:18

Yéso áonkeea nsombo ndɔ, áonjuana miki ndɔ, ka mbenɔ ndɔ tɔ, miki áoama.

Málikɔ 9:15

Ɓî usɛsɛ á ɓakpa ndɔ ɓámɔni Yéso, ɓáoagatana, ɓáobika mbangɔ ka sesea akɛ.

Málikɔ 9:24

Kɛ̌kɛndɔ, aba-miki áɔyɔnga akpɛ gea te: «Eya, neɓeeki! Ómoenga ka ngǎka nde ne phɔ́tɔ ně.»

Málikɔ 9:26

Ɓansombo ndɔ ɓáonsuga phɛɛ, áokoga. Mpɔ, ɓáotóka suɓi akɛ. Nyama á miki ndɔ áotendemana ɓea nkpa n'aku, ɓakpa ɓáokanisia te aku.

Lóka 11:14

Yéso ɗáǒjuanisa ɓansombo suɓi á kaúma. Ɓî ɓansombo ndɔ ɓájuani ye, kaúma ndɔ áokpanga yɔnga. Usɛsɛ á ɓakpa ɓáotangaaga phɛɛ.

Lóka 4:35

Yéso áǒkea ɓansombo: «Kɔ́ɓani! Juanani ka nkpa ndee!» Mpɔ, ɓansombo ɓáontenea nkpa ndɔ ka oɗo gbu! Mosá á ɓakpa ɓɔbu. Ɓansombo ɓáontóka. Kema kangeɛ nkpa ndɔɔ.

Lóka 4:41

Ɓansombo ɓâ phɔtɔ ojuana ɓásii na ɓáokoga: «Onde Muna-Mokonga!» Yɛ, â ndiu ǒkeea, áǒdakanisa, ka nyɔngɔ nde, ɗáɓáúbi gea, Yéso ande Kiísito.

Lóka 8:29

Mpɔ Yéso áǒsosea ɓansombo gea te ɓántokɛ. Nga, ɗáɓántambisigi k'ésa ásii. Ɗáɓáomɓóaga na ngoi á ngɔa ka njaga na k'écinji ka amba akɛ. Yɛ ɗá gǎkɛ otenaga ú. Ɓansombo ɗáɓáɔnsɔndɔɛa ka nkanda.

Lóka 9:42

Ɓî miki ɗáɔsɛkɛɗa bíbí á Yéso, ɓansombo ɓáommaka ka oɗo, ɓáonsuga akpɛ phɛɛ. Yéso áǒkeea, áonamisa miki, áonsikisia abakɛ.

Ekuma á ɓateki 16:18

Ɗáogeaga ɓó ka ɓ'esa ásii. Kaɓondɔ, Pɔ́lɔ áɔɓɛa phɛɛ, áǒpháia, áǒngoɗea ɓansombo ndɔ gea: «Nenososi k'ína á Yéso Kiísito, tókani suɓi á nke ndee.» Kɛ̌kɛndɔ tɔ, ɓansombo ndɔ ɓáontóka.

Yúda 1:9

Nanga Mikaɛ́li áɓá mɔkɔta á ɓamalaéka, ɗákági gǎkɛ ɓó. Ɓî ɗáɓáopúa na nketi na sanea mǒnda á Mósa, Mikaɛ́li ɗákáteni gǎkɛ nyɔngɔ na bóma á nketi. Ɗángi ndiu nketi gea: «Ambe Mɔkɔta áophekeɛgɛ.»