Málikɔ 9:24 - Ɔngana á Kɛ̌kɛ

²⁴ Kɛ̌kɛndɔ, aba-miki áɔyɔnga akpɛ gea te: «Eya, neɓeeki! Ómoenga ka ngǎka nde ne phɔ́tɔ ně.»

Málikɔ 9:24 Iomraidhean Croise

Málikɔ 9:23

Yéso áonsikisia te: «Ogi te, aoɓá n'ɔtɔkande ka kema ka ɓo? Cɔ, kema bubui aɔtɔtɔkɛana ka nkpa nde ana ɓeekea.»

Málikɔ 9:25

Yéso áɔ̌ɓɔna usɛsɛ á ɓakpa n'aóyamea. Kaɓondɔ, áǒkea ɓansombo, áǒgea: «Ɓenu ɓansombo á ko kaúma na ɓunde á kanga ɔ́kapha nde ca! Nenósosi, júanani suɓi á miki ndee. Ɓókósikiɛmbɛ ye ka yɛ.»

Lóka 17:5

Ɓateki ɓáongoɗea Mɔkɔta gea: «Yamea ɓeekea nɛsu.»

Lóka 7:38

Áoika mbusa á Yéso nci á n'ecinji akɛ áogáma. Iɓo á ngamɔ akɛ áophosa ecinji á Yéso, áɔkɔmbɛa ú na sekamɔ̌ akɛ. Mpɔ, áoumbia ecinji á Yéso, áonsaɓa k'écinji na nkoki.

Lóka 7:44

Mpɔ, Yéso áǒpháia kuɓî nke ndɔ aɔ, áongoɗea Simɔ́ni: «Ɔɔmɔna nke nde? Nengi k'éndu nɛkɔ, kómopi iɓo á esokosa ně k'écinji. Nke nde aámbé amosokosi ndiu ecinji n'iɓo á ngamɔ, áɔmɔkɔmbɛaga na sekamɔ̌ akɛ.

Ekuma á ɓateki 10:19

Pɛ́tɛɛ n'a phɔ́tɔ oianaga ka phɔa mphaniɔ ndɔ, Měma á kanga ɓojeɗe áongea te: «Ɓakpa ɓasaɔ ɓá wani ɓunde ɓáokokaɓa.

Ekuma á ɓateki 10:31

Áomongoɗea te: ‹Mokonga aɔ́ki ɛmɛmi nɛkɔ, aokokanisia ka nyɔngɔ á kema nde ǒgabei ɓaúki.

2 Ɓakɔlítɔ 2:4

Ɗénoɗundui ɓaoɓa ndɔ měma ani n'asiɗi phɛɛ, na neogáma. Ɗákátú gǎkɛ ka nyɔngɔ á ɓɛisa anu. Ɗátú ndiu ka gea, ɓóúbɛ ekondi ángbó nde neně ka ɓenu.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

2 Ɓatɛsalɔníka 1:11

Kaɓondɔ unge, ɓɛɔmmɛma Mokonga esa bui gea, ánóphɛ ɓukpɛkpɛ á ɓá ɓakpa nde ɓákeni ka mɔphani nɛkɛ. Ánoengɛ phɔtɔ na ɓukpɛkpɛ nɛkɛ ka gea á ɓonjánja nde ɓokondi. Átɔtɔkisɛ phɔtɔ ekuma nɛnu nnde ɓogi ka nyɔngɔ á ɓeekea akɛ.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

2 Timɔtɛ́ɔ 1:4

Ne phɔtɔ okanisia ngamɔ akɔ, kaɓondɔ unge nena siki á ɔna akɔ phɛɛ ka gea, nétúmɛ na maseye.

Ɓaɛbulanía 12:17

Cɔ, ɓooúba gea te, mbusa í, ɗákondi tɔá á ɓotukɔ ka abakɛ bisia akɛ njaga, abakɛ áoyá. Ɗákátú ye n'aphe á anganisa á moangɔ ndɔ nanga ɓî ɗáokáɓa ú n'aogáma.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 5:7

Mbenɔ nde Yéso ɗátú ka mokonda, ɗáonɗengemisaga Mokonga k'ɛ́mɛmi n'ɛsɔ akpɛ n'aogáma nga, Mokonga aámbé ɗáɔtɔka amisa akɛ ka kukuwa. Ka nyɔngɔ á édidisa akɛ unge Mokonga ɗáɔ́ki ɛmɛmi ndɔɔ.