Málikɔ 9:23 - Ɔngana á Kɛ̌kɛ

²³ Yéso áonsikisia te: «Ogi te, aoɓá n'ɔtɔkande ka kema ka ɓo? Cɔ, kema bubui aɔtɔtɔkɛana ka nkpa nde ana ɓeekea.»

Málikɔ 9:23 Iomraidhean Croise

Matáyɔ 14:29

Yéso áonsikisia te: «Bika!» Pɛ́tɛɛ áokia ka koko, áoga n'aotamba gǔ á iɓo ku ɓî Yéso aɔ.

Matáyɔ 17:20

Yéso áǒsikisia gea: «Ka nyɔngɔ nde ɓeekea anu aábɔa phɛɛ. Nenóngoɗi ɗoni gea, atúoɓá na ɓo tɔ na ɓeekea ábɔa ɓea mbuka á aladáli, ɓotóngoɗeande mamba ndee: ‹Tówa wani, ógɛ kó!› Atógande, ka kema kátóúkɛku tɔtɔkɛana ka njaga anu. [

Málikɔ 11:23

Nenóngoɗi ɗoni gea, aoɓá nkpa n'angoɗi mamba nde, áogea: ‹Phúikana súa, ógɛ guiɛ k'óɓenge.› Aoɓá na nna na ngǎka ka měma akɛ n'aɓeeki gǎkɛ te, ɓoabi nɛkɛ atɔtɔkɛanande, aɓande tɔ ɓó.

Málikɔ 9:22

Mɔngɔ ásii, ɗátú phɔtɔ ontenaga ɓó, áommaka ka nsa, na suɓi á iɓo gea, ákuwɛ. Cɔ, a gǎkɛ oɓá n'ɔtɔkande ka kema, ɓeoɗengemisigi, ósokuia ngomi na ósoengɛ.»

Málikɔ 9:24

Kɛ̌kɛndɔ, aba-miki áɔyɔnga akpɛ gea te: «Eya, neɓeeki! Ómoenga ka ngǎka nde ne phɔ́tɔ ně.»

Lóka 17:6

Yɛ áǒsikisia gea: «Atúoɓá ɓeekea nɛnu na ɓɔbɔbɔa í n'aɓea miki á mbuka, ámbé ɓɔɔtɔka na ɓongoɗi me á mukuyu nde: ‹Phúikana, ógɛ ɔ́tɛɛ k'óɓenge.› Atógeande ɓíndɔ ɓonsosi.

Yoáni 11:40

Yéso áongea: «Kétóogi aoɓá n'oɓeeki, ɔɔnande ɓoombia ndea Mokonga?»

Ekuma á ɓateki 14:9

Cɔ, áɔmɔ́ka Pɔ́lɔ n'aɔyɔnga. Wa, Pɔ́lɔ áontúmia nɗɔti n'íso, áoúba gea, ana ɓeekea nde aɔtɔka amisa akɛ.

Ɓaɛbulanía 11:6

Cɔ, kángá á ɓeekea nna na nkpa nde aɔtɔka n'ěkondisigi na Mokonga. Nkpa nde áombîmisia akeni áɓeekeɛ gea te, Mokonga a ɓei. A phɔtɔ ǒphenda ɓundɔ ɓáonkáɓa.