Málikɔ 9:22 - Ɔngana á Kɛ̌kɛ

²² Mɔngɔ ásii, ɗátú phɔtɔ ontenaga ɓó, áommaka ka nsa, na suɓi á iɓo gea, ákuwɛ. Cɔ, a gǎkɛ oɓá n'ɔtɔkande ka kema, ɓeoɗengemisigi, ósokuia ngomi na ósoengɛ.»

Málikɔ 9:22 Iomraidhean Croise

Matáyɔ 14:31

Mɔngɔ ímoci, Yéso áonanoa njaga, áondunga, áongoɗea te: «Oɓɛ nto á ɓeekea ábɔa nde ca! Ona ngǎka ka nyɔngɔ á kema sina?»

Matáyɔ 17:15

áongoɗea: «Mɔkɔta, nkuia miki nɛmɔ ngomi. Yɛ, aotambaga phɛɛ na kukuwa á egǎ. Mbenɔ nde aontena, mɔngɔ ásii áommaka ka nsa, nɛngbo ka iɓo.

Matáyɔ 20:34

Yéso áǒkuia ngomi, áǒdunga k'iso, mɔngɔ ímoci ɓáɔɔnapha, mpɔ ɓáomɓea.

Matáyɔ 8:2

Cɔ, nto á sǔ moci, áɔsɛkɛɗa ka mpɛphɛ á Yéso, áogbuka muanku mosá akɛ, áongea: «Mɔkɔta, aoɓá n'okondi, ɔɔtɔka n'omosokosei.»

Matáyɔ 9:28

Ɓî ajú ye, áongia k'éndu, ɓáɔsɛkɛɗa ka mpɛphɛ akɛ. Mpɔ áǒúsia te: «Ɓoɓeeki gea te nɛɔtɔka tɔtɔkisa nndɔ?» Ɓáonsikisia te: «Eya, Mɔkɔta!»

Málikɔ 5:19

Yéso kaɓeekeɛ. Â ndiu ongoɗea te: «Gǎ mɔtɛ-akɔ, ɔ́ɔtɔ̌miɛ ɓakpa nɛkɔ kema bui nde Mɔkɔta Mokonga agi k'óɓɛ na ɓî aokui ngomi.»

Málikɔ 9:21

Yéso áomúsia aba-miki ndɔ te: «A ye íphí na kukuwa nde?» Aba-miki áonsikisia te: «Kukuwa nde ankpangi ka koniki.

Málikɔ 9:23

Yéso áonsikisia te: «Ogi te, aoɓá n'ɔtɔkande ka kema ka ɓo? Cɔ, kema bubui aɔtɔtɔkɛana ka nkpa nde ana ɓeekea.»

Lóka 7:13

Mɔkɔta Yéso áɔmɔna nke ndɔ, áonkuia ngomi, áongoɗea te: «Kogámɛmbɛ!»