Málikɔ 9:19 - Ɔngana á Kɛ̌kɛ

¹⁹ Yéso áǒngoɗea te: «Hoo! Ɓenu ɛɓɔkɔti á kanga ɓeekea nde ca! Ka mbenɔ ángaáni nde neikande na ɓenu? Ka mbenɔ ángaáni nde nenophiphiande? Cɔ, mbikani kani na miki ndɔɔ.»

Málikɔ 9:19 Iomraidhean Croise

Matáyɔ 17:17

Yéso áonsikisia gea: «Ɓenu ɛɓɔkɔti ájeɗe á kanga ɓeekea á Mokonga nde ca! Neikande na ɓenu ka mbenɔ ángaáni? Mbenɔ ángaáni nde nenóphiphiande? Cɔ, mbikani kani na miki ndɔ koni.»

Málikɔ 16:14

Ka sungiaga, Yéso áǒphangisia ka ɓagoigi nɛkɛ nkama na moci (11) na ɓáoeaga. Yéso áǒkeea ka nyɔngɔ á kanga ɓeekea nɛɓɔ. Měma aɓɔ ɗágbagi phɔtɔ nga, ɗáɓákáɓeeki ɓî ɓadaɓɔ ɗáɓěngoɗi gea, ɓámɔni Yéso mbusa á jujúka akɛ ka kukuwa.

Málikɔ 9:18

Ɔma bui nde kukuwa ndɔ aontena, áomaka ka oɗo, phû áonjuanaga miki, áoea minyɔ, nyama akɛ áotendemana. Netóengoɗi ɓagoigi nɛkɔ ɓáephúiɛ ɓansombo ndɔ, ɓákátɔkɛ.»

Málikɔ 9:20

Ɓáombika na yɛ mɔtɛ á Yéso. Miki ndɔ amɔni ye Yéso, kɛ̌kɛndɔ ɓansombo ɓáonsuga miki akpɛ phɛɛ, áogua ka oɗo, áɔ̌gɛngɛaga na phû n'aonjuanaga.

Lóka 24:25

Mpɔ Yéso áǒngoɗea gea: «Ɓabóbó nde, ca! Měma anu aɗokomani ka ɓeekea nyɔngɔ bui nde ɓaɔtu-nyɔngɔ ndea Mokonga ɗáɓáyɔngi.

Lóka 9:41

Mpɔ Yéso áogea: «Hoo! Ɓenu ɛɓɔkɔti á kanga ɓeekea nde ca! Ka mbenɔ kǔngaáni nde neikande na ɓenu? Ka mbenɔ kǔngaáni nde nenóphiphiande? Cɔ, mbika na miki nɛkɔ wani.»

Yoáni 12:27

Cɔ, kɛ̌kɛnde měma ani aágátani. Neyɔngande kema sina? Neyɔngande, Abɛ, komoɗeketeɛmbɛ ka tambaga á mbenɔ ndee. A ndiu ka nyɔngɔ índɔ unge nebiki kau ka mbenɔ ndee.

Yoáni 20:27

Mpɔ, áongoɗea Tɔmá: «Cɔ, bisa miki á njaga akɔ wani na ɔ́ɔnjiɛ njaga ani. Bisa phɔtɔ njaga akɔ ka mpambá ani. Tókisa ngǎka óɓɛ ndiu mɓêki!»