Málikɔ 8:6 - Ɔngana á Kɛ̌kɛ

⁶ Mpɔ, Yéso áǒsosea ɓakpa ɓáikɛ ka oɗo. Áɔbɛɗa mokati ngianjaga iɓɛ (7) ndɔ, áonsega Mokonga k'ɛ́mɛmi, áoɓúnaga ú, áǒɓopha ɓagoigi nɛkɛ ka gea ɓégabeɛ ɓakpa. Ɓagoigi ɓáogaba.

Málikɔ 8:6 Iomraidhean Croise

Matáyɔ 26:26

Ɓî ɗáɓátú oeaga, Yéso áɔbɛɗa mokati, mbusa á yɛ sega Mokonga, áoɓúnaga mokati ndɔɔ, áǒgabea ɓagoigi nɛkɛ. Aǒngoɗea te: «Bɛɗani ú ɓóeɛ, nnde ande nyama ani.»

Málikɔ 8:20

Cɔ, mbenɔ nde ɗéɓúnigi gǎkɛ mokati ngianjaga iɓɛ (7) ka ɓakpa ɛlɛphu gena (4.000), ɗóɓotúmisi jɔ ángaáni na due á mokati ndɔ? Ɓáonsikisia: «Ngianjaga iɓɛ (7).»

Málikɔ 8:5

Yéso áǒɓúsia te: «Ɓona mokati ángaáni?» Ɓáonsikisia te: «Ngianjaga iɓɛ (7).»

Málikɔ 8:7

Ɗáɓátú phɔtɔ na ɓaniki á ɓasú ɓábɔa. Yéso áobisa njaga akɛ gǔ á ɓaniki á ɓasú ndɔ, áǒgea ɓagoigi nɛkɛ ɓágabɛ.

Lóka 12:37

Aɓande maseye ka ɓabɛɗanigi ɓunde mɔkɔta nɛɓɔ ědondande na ɓákáɗé. Nenóngoɗi ɗoni gea, mɔkɔta nɛɓɔ aɔ́lande bɔngɔ á ekuma, áǒikisa ɓabɛɗanigi ka mɛja, áɔ̌bɛɗaneaga!

Lóka 24:30

Mpɔ Yéso áoika kimoci na ɓɔ ka mɛja, áobɛɗa mokati na bisa á njaga gǔ í, mpɔ áoɓúna ú na gabea ɓɔ.

Yoáni 2:5

Mpɔ, amakɛ áǒngoɗea ɓabɛɗanigi-ɛ́kɛka: «Geani tɔ kema bui nde anóngoɗeande.»

Yoáni 6:23

Mpɔ, koko nengbo ásii nnde atóki ka ntanga-nji á Tibɛlía áokiɗia bíbí á ɔma nde ɗáɓáigi mokati mbusa á Mɔkɔta sega á Mokonga.

Ɓalɔ́ma 14:6

Mmbé atinganisi esa, atinganisi ú ka ɗokomisa á Mɔkɔta. Mmbé aoea kema bui, aoea ú ka ɗokomisa á Mɔkɔta nga, ambebi Mokonga k'éea nɛkɛ. Mmbé nnaoea eea bui, a phɔtɔ ogea ɓó ka ɗokomisa á Mɔkɔta na beba á Mokonga.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.