Málikɔ 8:35 - Ɔngana á Kɛ̌kɛ

³⁵ Nga, nkpa nde akondi amisa á enda akɛ, aɓúngisande ú. Mmbé a ndiu oɓúngisa enda akɛ ka phɔani na ka phɔa á Mbino-Ánjá, aamisande ú.

Málikɔ 8:35 Iomraidhean Croise

Matáyɔ 10:22

Ɓakpa ɓɔbu ɓánokangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande.»

Matáyɔ 10:39

Mmbé aokonda amba á enda akɛ, aɓúngisande ú. Mmbé aɓungisande gǎkɛ enda akɛ ka nyɔngɔ ani, atɔande ú.»

Matáyɔ 16:25

Ka nyɔngɔ nde, mmbé akondi amisa á enda akɛ, aɓúngisande. Mmbé a gǎkɛ oɓeekea ɓúngisa á enda akɛ ka nyɔngɔ ani, atɔande goto ú.

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Málikɔ 8:36

Nga, ana kantíti sina aoɓá nkpa n'atɔi nkumba bui á ka mokonda, â ndiu oɓúngisa enda akɛ?

Lóka 17:33

Nkpa nde aokaɓa amba enda akɛ, aɓúngisande. Nkpa nde aɓúngisi gǎkɛ enda akɛ, aámbé aámbande.

Lóka 9:24

Nga, nkpa nde akondi amisa á enda akɛ, aɓúngisande ú. Mmbé a gǎkɛ oɓúngisa ú ka nyɔngɔ ani, aamisande enda akɛ.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 21:13

Pɔ́lɔ â gǎkɛ ososikisia te: «Eke nde ɓoogámea na dɔɓɔkisa á měma ani ně ɓende? Kéɓeeki tɔ ɓóaga ani, neɓeeki phɔtɔ gǎ kuwa na Yɛusalɛ́ma ka nyɔngɔ á Mɔkɔta Yéso.»

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

1 Ɓakɔlítɔ 9:23

Neogea nndɔ bui ka nyɔngɔ á Mbino-Ánjá gea te, nɛ́tɔɛ ka keɓu á bisia njaga.

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

Ɓaɛbulanía 11:35

Ɗátú phɔtɔ na ka ɓake nde ɗáɓěɓɔni goto ɓundɔ ɗáɓásí na ɓájujúki ka kukuwa. Ɓakpa ɓuangbo gǎkɛ ɓî ɗáɓětumigi ɓáokuwa, ɓáoyá gea ɓákěkoɗɛmbɛ. Ɗáɓákondi tɔ kukuwa, ka nyɔngɔ nde ɗáɓákondi ndiu jujúka ka kukuwa, ɓáoɓá na enda ánjá phɛɛ á mɛyɔ.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.