Málikɔ 8:31 - Ɔngana á Kɛ̌kɛ

³¹ Mbusa, Yéso áokpanga goisaga á ɓagoigi nɛkɛ gea: «Akeni eme Muna-Nkpa nétambɛgɛ ásii, ɓagbɛga, ɓagbɛga á ɓatoɓeigi-phɛ́a, na ɓaɗundu-ɛɔphi, ɓámoyɛgɛ na kusisa ani. K'ésa á ko isaɔ mbusa á kukuwa, nejujúkande ka kukuwa.»

Málikɔ 8:31 Iomraidhean Croise

Matáyɔ 12:40

Cɔ, ɓea ɓíndɔ Yɔ́na ɗááɗe esa isaɔ keiphe n'esa suɓi á sɔphɔ á sú angbóngbó, a phɔtɔ ɓó unge Muna-Nkpa aáɗande esa isaɔ keiphe n'esa suɓi á oɗo.

Matáyɔ 21:42

Mpɔ Yéso áǒgea te: «Ɓókótangimbɛ mɔnɔ suɓi á Ɓuku á Mokonga? ‹Ɛtɛ nde ɓaphɛki ɗáɓámaki, aunge a ye tɔ na kantíti. Nndɔ atóki mɔtɛ á Mɔkɔta, n'ande ketangaɔ ka ɓesu!›

Matáyɔ 27:63

ɓáongoɗea te: «Mɔkɔta, ɓekanisi te, mbenɔ nde ndemigi ndɔ ɗáoenda, ɗáyɔngi te: ‹Mbusa á esa isaɔ, nejujukande ka kukuwa.›

Málikɔ 12:10

Ande gea te, ɓókótangimbɛ mɔnɔ suɓi á Ɓuku á Mokonga nyɔngɔ nde ɓáɗundu gea: «Etae nde ɓaphɛki ɗáɓáyé ka mɔphɛkɔ, aunge a ye tɔ etae á kantíti ka mɔphɛkɔ.

Lóka 17:25

Akeni phɔ́ átambɛgɛ ásii, ɓato á k'ɛɓɔkɔti nde ɓán'yɛ.

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

Lóka 24:44

Mpɔ Yéso áǒngoɗea ɓagoigi nɛkɛ te: «Ɓɔɔni nyɔngɔ nde ɗénóngoɗi na ne phɔ́tɔ na ɓenu gea: Ambe kema bui nde ɗáɓáɗundu ka phɔani suɓi á ɓuku ndea Mósa, nnde á ɓaɔtu-nyɔngɔ ndea Mokonga na nnde á Jabúi átɔtɔkɛanɛ.»

Yoáni 12:48

Nkpa nde amoyé, na nnaoɓeekea nyɔngɔ nɛmɔ ɓátenaeka nyɔngɔ nɛkɛ akpɛ. Nyɔngɔ nde ɗéyɔngi aunge, atenaeka nyɔngɔ akpɛ k'ésa á sungiaga á mokonda.

Yoáni 2:19

Yéso áǒsikisia: «Uɗáni endu á Mokonga nde, nɛphɛkande ú k'ésa isaɔ.»

Ekuma á ɓateki 7:35

Cɔ, Mósa aámbɔ Ɓaisilaɛ́li ɗáɓán'yé na gea akɛ te: ‹Ani mmbé akophi kɔkɔta á tena á nyɔngɔ?› Mokonga ɗánteki ka gea áɓɛ moamɛ na namisi nɛɓɔ, malaéka nde ɗátú suɓi á ɛɛmbɛ á esasa ndɔ, yɛ aámbé ɗátú onenga.

1 Ɓakɔlítɔ 15:4

Ɗáɓámúmbi, esa á ko isaɔ, áojujuka ka kukuwa ɓíndɔ ɗáɓáɔtu suɓi á Ɓuku á Mokonga.