Málikɔ 8:22 - Ɔngana á Kɛ̌kɛ

²² Yéso na ɓagoigi nɛkɛ ɓáoga na Bɛtɛsaída. Kó, ɓáombikia Yéso na keíme-íme moci, ɓáonɗengemisaga gea te, ándungɛ ka yɛ.

Málikɔ 8:22 Iomraidhean Croise

Matáyɔ 11:21

«Ngomi ka ɓato á ka Koajíni! Ngomi ka ɓato á ka Bɛtɛsaída! Nga, ɗátúoɓá ketangaɔ ndɔ ɗágeani mɔtɛ-anu, ɗátú ogeana ka Tílɔ na Sidɔ́na, ámbé ɓakpa á ka nji ndɔ ɗáɓáɔ́li ngɔ́mbɛ á kekusa na bisa á ebǔ ka mɔ̌ aɓɔ ka phangia base gea ɓákěti tambea aɓɔ ájeɗe.

Matáyɔ 14:36

Ɓáonɗengemisaga Yéso gea te, ɓádungɛ ye phɔ́ ɛɔkɔ á bɔngɔ nɛkɛ. Ɓundɔ ɗáɓádungi kau, ɓáoama ɓɔbu.

Matáyɔ 8:15

Yéso áondunga ka njaga, jóngá á nyama ndɔ áonsia. Nke ndɔ áoma, áokpanga únaneaga akɛ.

Matáyɔ 8:3

Yéso áonanoa njaga, áondunga, áongea te: «Cɔ, nekondi, neosokosei.» Kɛ̌kɛndɔ, nkpa ndɔ áoama ka sǔ nɛkɛ.

Matáyɔ 9:29

Áobisa njaga akɛ k'íso aɓɔ, áogea: «Mokonga ágeɛ ka ɓenu ɓíndɔ ɓoɓeeki.»

Málikɔ 2:3

Mpɔ ɓakpa gena ɓáobika mɔtɛ á Yéso na ɓánkumbigi nɗɔti.

Málikɔ 3:10

Ɓáɔni ye ɓî Yéso aéamisi ɓakpa ɓásii, ɓasambi ɓɔbu ɓáokamisaga sɛkɛɗa ka mpɛphɛ akɛ ka gea, ɓɔbu ɓámbooɛ ka yɛ.

Málikɔ 6:45

Kɛ̌kɛndɔ tɔ, Yéso áǒsosea ɓagoigi nɛkɛ ɓákambeɛ ka koko, ɓágɛ mosá. Ɓájabɛ na Bɛtɛsaída. Yɛ, áojiga mbusa ka ɔkɔana na ɓakpa.

Lóka 10:13

Yéso ɗági phɔtɔ: «Hoo! Ngomi anu ɓato á ka Koajíni. Hoo! Ngomi anu ɓato á ka Bɛtɛsaída nga, atú oɓá ɓato á ka Tílɔ na Sidɔ́na ɗáɓáɔni ketangaɔ nde ageani mɔtɛ-anu, ámbé ɗáɓáiki k'ebǔ na ɔ́la bɔngɔ á kekusa ka mbenɔ éndǎ.

Lóka 9:10

Ka ja aɓɔ, ɓateki ɓáɔntɔmiaga Yéso kema bui nde ɗáɓági. Mpɔ Yéso áɔ̌bɛɗa, áoga na ɓɔ sasaɓɔ bǎ á ntanga-nji nde ɓáɔphana Bɛtɛsaída.

Yoáni 1:44

Cɔ, Philípɔ ɗátú gǎkɛ nto á ka Bɛtɛsaída, ntanga-nji ndea Pɛ́tɛɛ na Andeé.

Yoáni 12:21

Ɓɔ, ɓáɔnsɛkɛɗɛa Philípɔ, nto á Bɛtɛsaída á ka Galiláya. Ɓáongea: «Mɔkɔta, ɓekondi ɓɛ́mɔnɛ Yéso.»