Málikɔ 8:2 - Ɔngana á Kɛ̌kɛ

² «Neókuia usɛsɛ á ɓakpa ndɔ ngomi nga, ɓá ye iki n'eme wani esa isaɔ. Cɔ, ɓáná ye na ka kema á koea.

Málikɔ 8:2 Iomraidhean Croise

Matáyɔ 14:14

Ɓî Yéso atóki ka koko, áɔɔna usɛsɛ á ɓakpa, áǒkuia ngomi phɛɛ. Áǒamisa ɓunde ɗáɓáosamba ka ɔlɔ aɓɔ.

Matáyɔ 20:34

Yéso áǒkuia ngomi, áǒdunga k'iso, mɔngɔ ímoci ɓáɔɔnapha, mpɔ ɓáomɓea.

Matáyɔ 9:36

Ɗáǒkuia usɛsɛ á ɓakpa nde ɗéɓɔni ngomi nga, ɓakpa ndɔ ɗáɓáɛli, ɓáoɓá kángá ɓukpɛkpɛ ɓea ɓamɔgɔgɔ kángá á mɓondigi.

Málikɔ 1:41

Yéso áonkuia ngomi, áonanoa njaga, áondunga, áongea te: «Cɔ, nekondi, neosokosei.»

Málikɔ 5:19

Yéso kaɓeekeɛ. Â ndiu ongoɗea te: «Gǎ mɔtɛ-akɔ, ɔ́ɔtɔ̌miɛ ɓakpa nɛkɔ kema bui nde Mɔkɔta Mokonga agi k'óɓɛ na ɓî aokui ngomi.»

Málikɔ 6:32

Kaɓondɔ, ɓáokambea ka koko, ɓáoga sasaɓɔ ka nkanda.

Málikɔ 6:34

Ɓî Yéso aki ye ka koko, áɔɔna usɛsɛ ángbó á ɓakpa, áǒkuia ngomi nga, ɗáɓátú ɓea ɓamɔgɔgɔ kángá á mɓondigi. Kaɓondɔ, áokpanga goisaga aɓɔ kema ásii.

Málikɔ 8:3

Aoɓá na nějisi mɔtɛ-aɓɔ na nja, ámbé ɓáɛlande k'aphe nga, ɓunɛngbo sɔsɔɓɛ aɓɔ ɓátóki ɗanga.»

Málikɔ 9:22

Mɔngɔ ásii, ɗátú phɔtɔ ontenaga ɓó, áommaka ka nsa, na suɓi á iɓo gea, ákuwɛ. Cɔ, a gǎkɛ oɓá n'ɔtɔkande ka kema, ɓeoɗengemisigi, ósokuia ngomi na ósoengɛ.»

Lóka 15:20

Wa, áɔmɛa, áoga mɔtɛ á abakɛ. N'a phɔ́tɔ ɗanga, abakɛ áɔmɔna, áonkuia ngomi phɛɛ, áoga mbangɔ, áonkotoa, ka kingo, áomumbiaga phɛɛ.

Lóka 7:13

Mɔkɔta Yéso áɔmɔna nke ndɔ, áonkuia ngomi, áongoɗea te: «Kogámɛmbɛ!»

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.

Ɓaɛbulanía 4:15

nga, ngbɛga á ɓatoɓeigi-phɛ́a mmbé ɓena yɛ, yɛ aɔtɔka n'asókui ngomi ka tambaga na ɓɔɛlu nɛsu á ka měma. Cɔ, yɛ ɗángí ka tombaga ka kema bui ɓea ɓesu, kángá yɛ gea ndiu ɓojeɗe.

Ɓaɛbulanía 5:2

Ɓî yɛ sasakɛ ana ɓɔɛlu á ka měma, aunge aɔtɔka n'ěkui ngomi ɓunde ɓáogea ɓojeɗe kángá á úba í na ka nyɔngɔ nde ɓáɓungigi.