Málikɔ 7:26 - Ɔngana á Kɛ̌kɛ

²⁶ Nke ndɔ ɗákátú Moyúda, ɗátú ndiu nto á ka ntanga-nji á Phɔinikía ka nji á Sulía. Yɛ, áonɗengemisaga Yéso gea, étokisɛ ɓansombo suɓi á nseka nɛkɛ.

Málikɔ 7:26 Iomraidhean Croise

Matáyɔ 15:22

Kó, nke moci nto á ka Kanána ɗátú wa, áombikia Yéso n'aɔyɔnga n'ɛsɔ akpɛ gea: «Mɔkɔta, Mosuko á Daúdi, ómokuia phɔ́ ngomi! Nseka nɛmɔ aotambaga phɛɛ na kukuwa á ɓansombo.»

Matáyɔ 4:24

Ɓoombia akɛ áɔɔ́kɛkana ka nji á Sulía bui. Ɓáombikia Yéso na ɓato á esambɔ ɗanga-ɗanga, na ɓunde ɓáotambanga na kukuwa ɗanga-ɗanga: kukuwa á ɓansombo, kukuwa á egǎ, na ɓaɗɔti. Yéso áǒamisa ɓɔbu.

Málikɔ 7:25

Nke moci mmbé nseka nɛkɛ ɗátú na kukuwa á ɓansombo, áɔɔ́ka nyɔngɔ á Yéso, kɛ̌kɛndɔ áombikia, áogua k'écinji akɛ.

Málikɔ 7:27

Yéso â gǎkɛ onsikisia te: «Ɓeekea phɔ́ gea, ɓaniki ɓákutɛ. Nga, nna na kantíti ka bɛɗa eea nɛɓɔ, óǒmakea ɓaniki á mbwa.»

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.