Málikɔ 6:6 - Ɔngana á Kɛ̌kɛ

⁶ Â phɔtɔ kotangaaga ka nyɔngɔ á ɓakpa ndɔ ɓána kángá ɓeekea. Mbusa, Yéso áotimba nji bui nde a bîbíbí á Najalɛ́ti n'aǒgoisaga ɓakpa.

Málikɔ 6:6 Iomraidhean Croise

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Matáyɔ 8:10

Ɓî Yéso aɔ́ki nyɔngɔ ndɔ, áoyayama na áǒngoɗea ɓunde ɗáɓátúomɓea: «Nenóngoɗi ɗoni gea, kɛ́mɔnimbɛ mɔnɔ nkpa sɔsɔɓɛ á Ɓaisilaɛ́li n'ana ɓeekea ángbó ɓea nnde á mmbee.»

Matáyɔ 9:35

Yéso ɗáɔtɔmba nji na ntanga-nji bui n'aǒgoisaga ɓakpa suɓi éndu á madondanɔ ndea Ɓayúda ka nyɔngɔ á Mokonga, n'aɔphɛa Mbino-Ánjá á koɓoamɛ, n'aoamisa etéte á ngobo na kiɗɔti bui.

Málikɔ 1:39

Áoga n'aɔtɔmba nji bui nde á ka Galiláya. Áɔ̌phɛa ɓakpa suɓi éndu nɛɓɔ á madondanɔ ndea á Ɓayúda ka nyɔngɔ á Mokonga, â phɔtɔ ǒjuanisa ɓansombo kó.

Málikɔ 10:1

Yéso atóki ye wa, áoga ka phaeka ntanga-nji nɛngbo á Yudɛ́a kubi á Yɔɔdáni. Kó, usɛsɛ á ɓakpa ɓâ goto odondana bíbí akɛ, áokpanga goto goisaga ɓíndɔ ɗáɛmbani ně.

Lóka 13:22

Ɓî Yéso ɗáoga na Yɛusalɛ́ma, ɗáɔnyɛ́nya ka ntanga-nji na nji ɗanga-ɗanga n'aogoisaga.

Lóka 4:31

Mpɔ, Yéso áodida ka ntanga-nji moci á ka Galiláya nnde ɓáɔɔphana Kapɛɛnaúmu. Áǒgoisaga ɓakpa k'ésa á saɓáto.

Lóka 4:44

Mpɔ, Yéso áotútuisa ɓɔphɛi á Mbino-Ánjá k'éndu á madondanɔ ndea Ɓayúda ka nyɔngɔ á Mokonga bui ndea ka Yudɛ́a.

Yoáni 9:30

Nkpa ndɔ áǒsikisia te: «Kema nde ande ketangaɔ. Ɓókóoúba ɔma nde nkpa nde atóki, na yɛ aámbé amokoɗi iso.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.