Málikɔ 6:41 - Ɔngana á Kɛ̌kɛ

⁴¹ Yéso áɔbɛɗa mokati ɓɔku na ɓasú ɓaɓɛ, áoenga na koba, áonsega Mokonga k'ɛ́mɛmi. Áoɓunaga mokati ndɔ, áǒɓopha ɓagoigi ka gea, ɓágabɛ ka ɓakpa. Yéso â phɔtɔ ǒngoɗea ɓagoigi nɛkɛ ɓégabeɛ ɓakpa ɓɔbu ɓasú ndɔɔ.

Málikɔ 6:41 Iomraidhean Croise

Matáyɔ 14:19

Yéso áǒikisa usɛsɛ á ɓakpa ka ɔphɔ, áobɛɗa mokati ɓɔku na ɓasú ɓaɓɛ ndɔ áoenga na koba, áonsega Mokonga. Áoɓúnaga mokati, áǒɓopha ɓagoigi nɛkɛ, ɓɔ phɔtɔ ɓáǒgabea usɛsɛ á ɓakpa.

Matáyɔ 15:36

Áɔbɛɗa mokati ngianjaga iɓɛ (7) na ɓaniki á ɓasú ndɔ, áonsega Mokonga k'ɛmɛmi, áoɓúnaga ú, áǒɓopha ɓagoigi nɛkɛ, ɓáǒgabea ɓakpa.

Matáyɔ 26:26

Ɓî ɗáɓátú oeaga, Yéso áɔbɛɗa mokati, mbusa á yɛ sega Mokonga, áoɓúnaga mokati ndɔɔ, áǒgabea ɓagoigi nɛkɛ. Aǒngoɗea te: «Bɛɗani ú ɓóeɛ, nnde ande nyama ani.»

Málikɔ 14:22

Ɓî ɗáɓátú oeaga, Yéso áɔbɛɗa mokati, áonsega Mokonga k'ɛ́mɛmi, áoɓúnaga mokati ndɔ, áǒgabea ɓagoigi nɛkɛ, áǒngoɗea te: «Bɛ́ɗani, ɓóeɛ, nnde ande nyama ani.»

Málikɔ 6:40

Ɓáoika k'étunda-etúnda. Etúnda moci áoɓá na ɓakpa mia moci (100), etúnda nɛngbo áoɓá na ɓakpa nkama ɓɔku (50).

Málikɔ 6:42

Ɓɔbu ɓáoeaga, ɓáokúta.

Málikɔ 7:34

Mpɔ, áoenga na koba, áosúa ɛphɛu. Mpɔ áongoɗea nkpa ndɔ k'ɛ́yɔngɛi nɛkɛ: «Ɛphata» Ande gea: «Kóɗokana!»

Málikɔ 8:19

mbenɔ nde ɗéɓunigi ɓamokati ɓɔku ka ɓakpa ɛlɛphu ɓɔku (5.000) ndɔ? Cɔ, ɓî ɗɔ́ɓɔbɔnyi due á mokati ndɔ, ɗóɓotúmisi jɔ ángaáni?» Ɓáonsikisia gea: «Nkama na iɓɛ (12).»

Lóka 24:30

Mpɔ Yéso áoika kimoci na ɓɔ ka mɛja, áobɛɗa mokati na bisa á njaga gǔ í, mpɔ áoɓúna ú na gabea ɓɔ.

Lóka 9:16

Ɓî Yéso abɛɗi mokati ɓɔku na ɓasú ɓaɓɛ ndɔ, áɔɛnjia na koba, áonsega Mokonga ka nyɔngɔ á eea ndɔɔ. Áoɓúnaga ú, áǒɓopha ɓagoigi ka gabea usɛsɛ á ɓakpa.

Yoáni 11:41

Mpɔ, ɓâ gǎkɛ otiɓa ɛtɛ. Yéso áɔɔnjia na koba, áɔmɛma gea: «Abɛ, neosegi nga, ɔɔmɔɔ́ka.

Yoáni 17:1

Mbusa á Yéso yɔnga ɓó, áɔɛnjia na koba, áɔyɔnga ɓe: «Abɛ, mbenɔ ajú, nɗokomisa Anakɔ gea te, Anakɔ ákoɗokomisɛ.

Yoáni 6:11

Mpɔ, Yéso áoɓoa mokati ndɔ, áonsega Mokonga k'ɛ́mɛmi, áogaba ú ka ɓakpa nde ɗáɓátú wa. Â phɔtɔ ogea ɓó na ɓasú, nkpa na nkpa áoea ɓíndɔ akondi.

Yoáni 6:23

Mpɔ, koko nengbo ásii nnde atóki ka ntanga-nji á Tibɛlía áokiɗia bíbí á ɔma nde ɗáɓáigi mokati mbusa á Mɔkɔta sega á Mokonga.

Ekuma á ɓateki 27:35

Mbusa á yɔnga á Pɔ́lɔ ɓó, áɔbɛɗa mokati, áombeba Mokonga mosá á ɓakpa ɓɔbu. Mpɔ, áoɓunaga ú, áokpanga eaga.

Ɓalɔ́ma 14:6

Mmbé atinganisi esa, atinganisi ú ka ɗokomisa á Mɔkɔta. Mmbé aoea kema bui, aoea ú ka ɗokomisa á Mɔkɔta nga, ambebi Mokonga k'éea nɛkɛ. Mmbé nnaoea eea bui, a phɔtɔ ogea ɓó ka ɗokomisa á Mɔkɔta na beba á Mokonga.

1 Ɓakɔlítɔ 10:31

Cɔ, kaɓɛ na ɓooeaga, ɓoonoa na ɓoogea kema sina, geani tɔ kema bubui ka sega á Mokonga.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.