Málikɔ 6:30 - Ɔngana á Kɛ̌kɛ

³⁰ Mbusa í, ɓateki ndea Yéso ɓáosikianaga, ɓáodondanaga ka mpɛphɛ akɛ. Ɓáɔntɔmiaga ekuma bui nde ɗáɓági n'índe á phɛá á ɓakpa.

Málikɔ 6:30 Iomraidhean Croise

Matáyɔ 10:2

Cɔ, ina á ɓateki ndɔ aunge: Simɔ́ni, mmbɔ ɗáɓánsǔ Pɛ́tɛɛ na muna-amakɛ Andeé, Yakɔ́ɓɔ na muna-amakɛ Yoáni ɓana Jɛbɛdáyɔ.

Málikɔ 3:14

Aɔ̌sɔmbɔa sɔsɔɓɛ aɓɔ ɓakpa nkama na ɓaɓɛ (12), áǒsua ɓateki nɛkɛ ka gea ɓátambɛ kimoci na yɛ na teka aɓɔ ka gǎ á phɛá ɓakpa.

Málikɔ 6:29

Ɓî ɓagoigi ndea Yoáni ɓáɔ́ki ye nyɔngɔ ndɔ, ɓáobika ɔbɛɗa mǒnda akɛ. Ɓáoga oúmba ú.

Lóka 10:17

Mbusa á tamba nɛɓɔ, ɓateki ndɔ nkama ngianjaga iɓɛ na ɓaɓɛ (72), ɓáoja na ɓátúmi na maseye phɛɛ, ɓáogea: «Mɔkɔta, ɓansombo ɗáɓátú phɔtɔ ɔsɔ́ɔ́ka k'ína akɔ.»

Lóka 17:5

Ɓateki ɓáongoɗea Mɔkɔta gea: «Yamea ɓeekea nɛsu.»

Lóka 22:14

Ka mbenɔ á eaga, Yéso áoika kimoci na ɓateki nɛkɛ.

Lóka 24:10

Ɓake ndɔ ɗáɓátú: Malía Magadála, Yɔána, Malía ama-Yakɔ́ɓɔ na ɓake ɓuangbo ɓunde ɗáɓátú kimoci na ɓɔ. Ɗáɓětɔ̌migi ɓateki mbino ndɔ,

Lóka 6:13

Kamɓimba, áɔ̌ɔphana ɓagoigi nɛkɛ, áɔ̌sɔmbɔa ka ɓɔ nkama na ɓaɓɛ (12), â phɔtɔ ǒsua ɓateki.

Lóka 9:10

Ka ja aɓɔ, ɓateki ɓáɔntɔmiaga Yéso kema bui nde ɗáɓági. Mpɔ Yéso áɔ̌bɛɗa, áoga na ɓɔ sasaɓɔ bǎ á ntanga-nji nde ɓáɔphana Bɛtɛsaída.

Ekuma á ɓateki 1:26

Mpɔ, ɓáɔɓɛta ɓana-mɛlɔɛ ka úba ani mmbé, Mɔkɔta ansɔmbu. Ɓana-mɛlɔɛ ɓáonguia Matiási, áoɓá sɔsɔɓɛ á ɓateki ɓuangbo nkama na moci (11).