Málikɔ 6:3 - Ɔngana á Kɛ̌kɛ

³ Nna phɔ́ nto á ɓɔi á mɔphɛkɔ aámbé? Muna Malía, muna-amakɛ na Yakɔ́ɓɔ, Yɔ́sɛ, Yúda na Simɔ́ni? Cɔ, ɓáwákɛ ɓáná ka ɔlɔ asu?» Kaɓondɔ unge, ɗáɓákámɓeeki.

Málikɔ 6:3 Iomraidhean Croise

Matáyɔ 11:6

Maseye ka nkpa nde káɗeketɛku ɓeekea nɛkɛ ka nyɔngɔ ani.»

Matáyɔ 12:46

Yéso n'a phɔ́tɔ ɔyɔnga na usɛsɛ á ɓakpa, amakɛ na ɓana-amakɛ ɓáokiɗia, ɓáomamaga ka nsɛngɛ, na kaɓa aphe ka yɔngaga na yɛ.

Málikɔ 15:40

Ɓake ɓuangbo ɗáɓá phɔtɔ wa. Ɗáɓáoenga na ɓámame ɗanga. Ina á ka ɓɔ aungee: Salɔ́mɛ, Malía ɓa Magadála na Malía ama-moganda Yakɔ́ɓɔ na Yɔ́sɛ.

Málikɔ 3:18

Andeé, Philípɔ, Batɔlɔmáyɔ, Matáyɔ, Tɔmá, Yakɔ́ɓɔ muna Alpháyɔ, Tadɛ́yɔ, Simɔ́ni, manei ekuna nɛkɛ,

Lóka 2:34

Mpɔ, Simɛɔ́ni áobisa njaga gǔ aɓɔ, áongoɗea amakɛ Malía ɓe: «Eya, miki nde abiki gea, Ɓaisilaɛ́li ɓásii ɓáguande, ɓuangbo ɓâ gǎkɛ ǒmesia ka nyɔngɔ akɛ. Aɓande gǎkɛ mphangiɔ nde ɓakpa ɓáyande.

Lóka 7:23

Maseye ka nkpa nde káɗeketɛku ɓeekea ani.›»

Lóka 8:20

Wa, ɓakpa ɓáobika ongoɗea Yéso ɓe: «Amakɔ na ɓana-amakɔ ɓáunge ɓáiki ka nsɛngɛ, ɓáokonda ɔna akɔ.»

Yoáni 14:22

Mpɔ, Yúda (nna mmbɔ Isikaliɔ́ta) áongea: «Mɔkɔta, ka nyɔngɔ sina nde ɔ tɔ ǒphangia ka ɓesu, kǒphangiɛ gǎkɛ ka ɓato á ka mokonda?»

Yoáni 6:42

Ɓáɔyɔnga gea: «Nga Yéso aámbé, muna-Yɔsɛ́phu na Malía. Cɔ, kɛ̌kɛnde agi, atóki na koba ka ɓo?»

Ekuma á ɓateki 1:13

Ɓî ɓájú ye ka Yɛusalɛ́ma, ɓáoɗápha suɓi éndu á gǔ ɔma nde ɗáɓáodondanaga. Ɓunde ɗáɓátú wa, ɓáungee: «Pɛ́tɛɛ, Yoáni, Yakɔ́ɓɔ na Andeé. Philípɔ na Tɔmá. Batɔlɔmáyɔ na Matáyɔ. Yakɔ́ɓɔ muna Alpháyɔ, Simɔ́ni mmbé ɗáokáɓa tokisa á nji nɛɓɔ ka kɔkɔɓɛ, na Yúda muna Yakɔ́ɓɔ.»

Ekuma á ɓateki 12:17

Pɛ́tɛɛ áǒdakanisa na njaga akɛ, áɔ̌tɔmiaga ɓî Mɔkɔta anjúanisi ka mekakɔ. Â phɔtɔ ǒgea: «Múbisani Yakɔ́ɓɔ na ɓadasu ɓaɓêki ɓunɛngbo nyɔngɔ ndee.» Mpɔ, áojuana, áoga ɔma nɛngbo.

1 Ɓakɔlítɔ 1:23

Cɔ, ɓesu gǎkɛ, ɓɛɔphɛa nyɔngɔ á Kiísito ímbé ɗáɓánkɔkɛigi ka moyangɔ. Ka Ɓayúda, ande ephiphi ájeɗe. Ka ɓunde ɓáná Ɓayúda ande kobóbó.

1 Ɓakɔlítɔ 9:4

Ande gea, kétɔki mɛma anu kema á koea na á konoa ee?

Ɓagalatía 1:19

Ɗékémɔni tanda ka ɓateki ɓaangbo. Ɗɛ́mɔni tɔ Yakɔ́ɓɔ, muna-amakɛ na Mɔkɔta.

1 Pɛ́tɛɛ 2:4

Mbîmisiani Mɔkɔta. Yɛ ande ɛtɛ nde ana enda. Ɛtɛ nde ɓakpa ɗáɓáyé, a ndiu unge Mokonga ɗásɔmbu n'ana kantíti phɛɛ mosá akɛ.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.