Málikɔ 6:14 - Ɔngana á Kɛ̌kɛ

¹⁴ Ka mbenɔ ndɔ, moamɛ Ɛlɔ́dɛ ɗáɔ́ki na ɓáɔyɔngaga ka phɔa Yéso nga, ina akɛ ɗáúbikani ɔma bui. Ɓakpa moci-moci ɓáɔyɔnga gea: «Yoáni-Mɓatisi ajujúki ka kukuwa. Kaɓondɔ unge, ana ɓukpɛkpɛ á tɔtɔkisa á ketangaɔ.»

Málikɔ 6:14 Iomraidhean Croise

Matáyɔ 9:31

Ɓâ ndiu oga kɔɛmbisa kema nde Yéso agi kekanga ndɔ bui.

Málikɔ 1:28

Kɛ̌kɛndɔ tɔ, ɓoombia á Yéso áɔɛmba k'ɔ́ma bui ka ntanga-nji á Galiláya.

Málikɔ 1:45

Nto á kukuwa á sǔ ndɔ â ndiu oga okpanga tɔ̌miaga á nyɔngɔ nɛkɛ ka ntanga mosá á ɓakpa ɓɔbu. Kaɓondɔ, Yéso katɔkɛ ye ngia ka ntanga-nji k'íso á ɓakpa, â ndiu oga oika ka nkanda. Ɓakpa ɓâ gǎkɛ otóka ɔma bui, ɓáobika ondonda.

Málikɔ 8:28

Ɓáonsikisia te: «Ɓakpa moci-moci ɓáogea te, onde Yoáni-Mɓatisi. Ɓunɛngbo gea te, onde Elía, na ɓuangbo goto, onde ka ɓaɔtu-nyɔngɔ ndea Mokonga.»

Lóka 13:31

Cɔ, ka mbenɔ ndɔ, Ɓaphaisáyɔ ɓuangbo ɓáɔsɛkɛɗa bíbí á Yéso ɓáongoɗea gea: «Tóka wani, ógɛ k'ɔ́ma nɛngbo nga, moamɛ Ɛlɔ́dɛ akondi mowa akɔ.»

Lóka 3:1

Nyɔngɔ nde ɗátú ka saga á ko nkama na ɓɔku á koɓoamɛ ndea moamɛ angbóngbó Tibɛlíɔ Kaisáa, Pɔntíɔ Pilátɔ ɗátú mɔkɔta ka Yudɛ́a. Galiláya ɗátú kusi á kɔkɔta á Ɛlɔ́dɛ. Itulɛ́a na Taakɔníti ɗátú kusi á kɔkɔta á Philípɔ, muna-amakɛ na Ɛlɔ́dɛ. Abilɛ́nɛ ɗátú kusi á kɔkɔta á Lisanía.

Lóka 7:17

Mpɔ, nyɔngɔ á Yéso áondanda ka Yudɛ́a bui na nji bui á ka mpɛphɛ í.

Lóka 9:19

Ɓagoigi ɓáonsikisia te: «Ɓakpa ɓuangbo ɓáogea, onde Yoáni-Mɓatisi. Ɓuangbo ɓáogea Elía. Ɓuangbo ɓâ goto ogea, ka ɓaɔtu-nyɔngɔ á kala ndea Mokonga aámbé ajujúki ka kukuwa.»

1 Ɓatɛsalɔníka 1:8

Nga, ka nyɔngɔ anu, nyɔngɔ á Mɔkɔta ɗáɛmbi ka mokonda bui, nna tɔndɔ ka Makɛdɔnía na ka Akáya. Nga, ɓeekea nɛnu ka Mokonga aunge andandisi nyɔngɔ nɛkɛ. Kaɓondɔ unge, ɓéké ye na nyɔngɔ angbo á ngoɗea á ɓakpa.

Ɓaɛbulanía 2:4

Mokonga â gǎkɛ oɗigimisa nyɔngɔ nde ɗáɓátɔ̌mi, ka tɔtɔkisa á mphangiɔ na ketangaɔ ɗanga-ɗanga phɔtɔ ɓî agabi Měma á kanga ɓojeɗe ɓíndɔ ɗákondi.