Málikɔ 6:11 - Ɔngana á Kɛ̌kɛ

¹¹ A gǎkɛ oɓá na ɓákánosesi ka nji moci na ɓákáɔnɔ́ɔ́ka, tókani ɓei, ciciagani mpusu á oɗo bui nde a k'écinji anu ka ubisa aɓɔ gea te nyɔngɔ ěguiaeka.»

Málikɔ 6:11 Iomraidhean Croise

Matáyɔ 12:36

Nenóngoɗi base gea, esa á tena á nyɔngɔ, ɓáeúsiagande ɓakpa ka phɔa yɔnga á jǎi-jǎi nde ɗáɓáɔyɔngaga.

Málikɔ 6:10

Yéso â goto ǒngoɗea te: «Aoɓá na ɓokiɗi ɔma moci, ikani suɓi éndu nde ɓánosesi kau na ka ɓî ɓɔmɛande.

Lóka 9:5

Cɔ, aoɓá ɓato á ka ntanga-nji na ɓáyé sesea anu, tókani ka ntanga-nji ndɔ, ɓóciciɛ mpusu á oɗo bui nde a k'écinji anu ka úbisa aɓɔ gea te, nyɔngɔ ěguiaeka.»

Ekuma á ɓateki 18:6

Ɓayúda ɓâ ndiu oya nyɔngɔ ndea Pɔ́lɔ na bóma akɛ. Kaɓondɔ, Pɔ́lɔ áǒciciia bɔngɔ nɛkɛ, áǒngoɗea te: «Magia anu, áɓɛ ye tɔ ka mɔ̌ anu sasanu. Nna yé nyɔngɔ nɛmɔ. Kɛ̌kɛnde negande k'ékuna nɛngbo.»

Ɓalɔ́ma 2:16

Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

Ɓalɔ́ma 2:5

Cɔ, oɓɛ ona měma akpɛ na kóokonda kětia á měma akɔ. Kaɓondɔ unge ǒbisíí tambaga ángbó esa nde Mokonga aphangiaeka esúia nɛkɛ na tena á nyɔngɔ nɛkɛ ka koɗoni.

2 Pɛ́tɛɛ 2:6

Mokonga ɗáteni phɔtɔ akpɛ nyɔngɔ á ntanga-nji á ka Sɔdɔ́ma na Gɔmɔ́la, áoɛkɛkisaga ú na nsa, áoɓá ebǔ. Nndɔ áoɓá mphangiɔ ka ɓunde ɓánáomɓánga Mokonga.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

2 Pɛ́tɛɛ 3:7

Moyo á Mokonga abisi phɔtɔ mokonda na koba á kɛ̌kɛnde, ka túkatúka í na nsa k'ésa á tena á nyɔngɔ. Esa ndɔ unge ɓakpa ɓɔbu, ɓunde ɓákáomɓánga Mokonga ɓáɓúngagande.

1 Yoáni 4:17

Aoɓá ekondi á ɗoni á ɗoni n'aɔnɛkana sɔsɔɓɛ asu, ɓeɓande na nseɓeɔ k'ésa á tena nyɔngɔ nga, enda asu ka mokonda ndee, akengeani na nnde á Yéso Kiísito.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.