Málikɔ 5:7 - Ɔngana á Kɛ̌kɛ

⁷ áokoga akpɛ phɛɛ: «Eke nde ɓe n'ɔɓɛ kau Yéso Muna-Mokonga mmbé ana kɔkɔta bui? Nɛɔmɛmi k'ína á Mokonga, komotambisɛgɛmbɛ!»

Málikɔ 5:7 Iomraidhean Croise

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 26:63

Yéso áɔphɔnga, phioo! Ngbɛga á ɓatoɓeigi-phɛ́a áongoɗea Yéso te: «K'ína á Mokonga mmbé aoenda, ósongoɗea phɔ́ aoɓá n'ɔmɔ̂ Masíya Muna-Mokonga ɗoni.»

Matáyɔ 4:3

Kó, Ntombigi áɔsɛkɛɗa bíbí á Yéso, áongoɗea: «Aoɓá n'onde Muna-Mokonga, sosea phɔ́ ɛtɛ nde, áɓɛ mokati.»

Matáyɔ 8:29

Ɓato á kukuwa ndɔ ɓáokoga: «Muna-Mokonga hoo! Ekende ɓen'oɓɛ kau ee? Obiki osotambisaga mbenɔ nɛsu na ka kpeengeanimbɛ?»

Málikɔ 1:24

áogea: «Yéso ɓa Najalɛ́ti ekende ɓeogi ně? Obiki kosótindisa? Neokoúba, onde Nto á kanga ɓojeɗe ndea Mokonga.»

Málikɔ 14:61

Yéso áɔphɔnga, phioo! Kasikisɛ ka kema. Ngbɛga á ɓatoɓeigi-phɛ́a â goto omúsia: «Oɓɛ, onde Kiísito, Muna-Mokonga Mɛna-obebɔ?»

Málikɔ 3:11

Ɓuangbo ɗáɓátú na kukuwa á ɓansombo. Ɓansombo ndɔ, ɓî ɓámɔni ye Yéso, ɓáogua k'écinji akɛ, ɓáokoga, ɓáogea: «Oɓɛ onde Muna-Mokonga.»

Málikɔ 5:6

Ɓî nto á kukuwa á ɓansombo ndɔ amɔni ye tɔ Yéso ɗanga, áoga mbangɔ kuɓî, áogua k'écinji akɛ,

Málikɔ 5:8

Nga, Yéso ɗángi te: «Ɓansombo ca! Júanani suɓi á nkpa ndee!»

Lóka 1:32

Aɓande na ɓoombia. Ɓámɔphanande phɔtɔ Muna-Mokonga Mmbé ana kɔkɔta bui. Mɔkɔta Mokonga amophande phɔtɔ koɓoamɛ ndea tatakɛ Daúdi.

Lóka 4:34

«Hoo! Yéso ɓa Najalɛ́ti ekende ɓeogi ně? Obiki kosótindisa? Neokoúba, onde Nto á kanga ɓojeɗe ndea Mokonga.»

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Lóka 8:28

Ɓî amɔni ye Yéso, áokoga «Hoo!» Áogua k'écinji akɛ, áɔyɔnga n'ɛsɔ akpɛ: «Eke nde ɓe n'oɓɛ kau, Yéso Muna-Mokonga mmbé ana kɔkɔta bui? Neoɗengemisigi, komotambisɛgɛmbɛ!»

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Ekuma á ɓateki 16:17

Nke ndɔ áosóɓea n'aokogaga te: «Ɓakpa nde ɓánde ɓabɛɗanigi ndea Mokonga mmbé á na koba. Ɓáɔnɔ́phɛa aphe á ɓoamia á ka měma.»

Ekuma á ɓateki 19:13

Cɔ, Ɓayúda ɓuangbo ɓundɔ ɗáɓáogaga ɔma ɗanga-ɗanga k'aphe á juanisa ɓansombo, ɓáokengea kumia á ina á Mɔkɔta Yéso, ka juanisa ɓansombo suɓi á ɓakpa. Ɓáǒgea ɓansombo te: «K'ína á Yéso mmbé Pɔ́lɔ aɔphɛa k'ína akɛ nenososi, júanani!»

Ekuma á ɓateki 8:36

Ɓáotútuisa tamba nɛɓɔ, ɓáokiɗia k'ɔ́ma nde ɗátú na iɓo. Mbɛɗanigi angbóngbó ndɔ â gǎkɛ ongea te: «Cɔ, iɓo ungee, ekende aomoimisia oɓatisɔ?» [

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

Ɓaɛbulanía 7:1

Mɛlkisɛdɛ́ki nde ɗátú moamɛ á ka Salɛ́mu. Ɗátú phɔtɔ ntoɓeigi-phɛ́a ndea Mokonga, Mɛna-ɓukpɛkpɛ bui. Yɛ aámbé ɗáge ondondanisa Abalaámu mbenɔ nde Abalaámu ɗáoja k'aphe émani n'ěkíndi ɓaamɛ. Adondani ye na yɛ, Mɛlkisɛdɛ́ki áobisa njaga gǔ á Abalaámu.

Yakɔ́ɓɔ 2:19

Oɓeeki gea Mokonga a tɔ moci? Aánjá. Ɓaketi ɓá gǎkɛ tɔ oɓeekea nndɔ, na ɓáɔɛkanaga.»

2 Pɛ́tɛɛ 2:4

Cɔ, Mokonga ɗákáekui ɓamalaéka nde ɗáɓági ɓojeɗe ngomi. Ɗáeɓóege ndiu na ngoi á ngɔa na makea aɓɔ ka kaiphiɔ, ɔma nde ɓáoɓondeaga tena á nyɔngɔ nɛɓɔ.

1 Yoáni 3:8

Mmbé a gǎkɛ ogea ɓojeɗe, ande nkpa ndea Nketi. Nga, Nketi ɗági ɓojeɗe kpanga conjá á mokonda. Kaɓondɔ unge, Muna-Mokonga ɗásɛnɛki ka túkatúka ekuma ndea Nketi.

Yúda 1:6

Cɔ, kanisiani phɔ́ nyɔngɔ á ɓamalaéka: Ɓunde ɗáɓákákondi bɛɗanaga na kɔkɔta nde Mokonga ɗéɓophi, ɓâ ndiu oɗeketa sasaɓɔ ɔma ndeaɓɔ. Mokonga ɗáeɓóege na ngɔi á ngɔa, áǒbisa kusi ɔma á kaiphiɔ á mɛyɔ ka ɓondeaga esa ángbó á tena nyɔngɔ.

Mphaniɔ 12:12

Kaɓondɔ, maseye áɓɛ na koba, ɓáni n'iyoma ɓunde ɓoiki na koba. Ande gǎkɛ ngomi ka mokonda n'oɓenge! Ka nyɔngɔ nde, Sɛtáni adidi ko. Yɛ, atúmi n'esúia nga, aúbi gea, mbenɔ nɛkɛ nna ye ásii.»