Málikɔ 5:42 - Ɔngana á Kɛ̌kɛ

⁴² Kɛ̌kɛndɔ, áǒmesia, áotamba. Kaɓondɔ, ɓakpa nde ɗáɓátú wa, ɓáotangaaga ásii phɛɛ. Nseka ndɔ ɗátú na ɓasaga nkama na ɓaɓɛ (12).

Málikɔ 5:42 Iomraidhean Croise

Málikɔ 1:27

Ɓakpa ɓɔbu ɓáoyayama, na ka ɓî ɗáɓáoúsianaga: «Eke nde? Goisaga nde akiɗi kɛ̌kɛ ana ɓukpɛkpɛ. Mogáa nde áǒsosea ɓansombo, ɓɔ ɓáɔmɔ́ka.»

Málikɔ 4:41

Ɓagoigi ɓâ gǎkɛ oɓánga phɛɛ, ɓáoianaga gea: «Ani mmbé? Sumbu n'etǔ, áɔmɔka ɓende!»

Málikɔ 5:41

Yéso áondunga miki ndɔ ka njaga, áongoɗea ka ɛyɔngi nɛɓɔ: «Talita kum!» Ande gea te: «Nseka, nekongoɗi, ómesia!»

Málikɔ 5:43

Mpɔ, Yéso áǒimisia akpɛ gea, ɓákangoɗeɛ mɔnɔ nkpa. Â goto ǒsosea gea, ɓámophɛ miki ndɔ eea.

Málikɔ 6:51

Mpɔ áokambea ka koko ndea ɓagoigi, maiphianɔ áɔphɔnga. Ɓagoigi ɓâ gǎkɛ oyayama phɛɛ.

Málikɔ 7:37

Ɓakpa ɓáotangaaga phɛɛ. Ɓáogea te: «Aɔtɔtɔkisa kema bui ánjá phɛɛ. Ɓaɗakekanigi-kecue ɓá ye tɔ ɔɔ́kapha na ɓakauma ɓá ye tɔ ɔyɔnga.»