Málikɔ 5:23 - Ɔngana á Kɛ̌kɛ

²³ áonɗengemisaga phɛɛ na gea akɛ te: «Miki á nseka nɛmɔ aogea ákuwɛ. Bika óbisɛ njaga akɔ gǔ akɛ ka gea, áamɛ na áendɛ.»

Málikɔ 5:23 Iomraidhean Croise

Matáyɔ 8:3

Yéso áonanoa njaga, áondunga, áongea te: «Cɔ, nekondi, neosokosei.» Kɛ̌kɛndɔ, nkpa ndɔ áoama ka sǔ nɛkɛ.

Málikɔ 16:18

Ɓáedungande ɓanjɔka. Aoɓá na ɓánu kema nde nkpa aokuwa ně, kéegeɛku kema. Ɓábisande njaga aɓɔ gǔ á ɓasambi, ɓundɔ ɓáoama.»

Málikɔ 5:24

Mpɔ, Yéso ɓáoga na yɛ. Usɛsɛ á ɓakpa ɓásii ɓáomɓea na ɓáɔmɓɔkanisaga.

Málikɔ 6:13

Ɓáǒɓeaga ɓansombo ɓásii suɓi á ɓakpa, ɓáǒsia ɓato á kukuwa ɓásii gamba, ɓáoama.

Málikɔ 7:32

Kó, ɓáombikia na nɗakekanigi-kecue, n'ande phɔtɔ kauma. Ɓáonɗengemisaga ka gea te, ámbisiɛ njaga.

Málikɔ 8:23

Yéso áɔmbɛɗa keíme-íme ka njaga, áonga ně bǎ á ngba-nji. Mpɔ, áosia soki k'íso á keíme-íme, áobisa njaga gǔ akɛ, áomúsia: «Cɔ, ɔɔna ka kema?»

Lóka 13:13

Áobisa njaga gǔ akɛ. Ka mbenɔ ndɔ tɔ, ngɔngɔ akɛ áǒnanoa, áombeba Mokonga.

Lóka 4:38

Yéso ajúani ye k'éndu á madondanɔ ndea Ɓayúda ka nyɔngɔ á Mokonga, áoga k'éndu ndea Simɔ́ni. Ama-nkakɛ na Simɔ́ni ɗátú na jónga akpɛ. Ɓáɔmmɛma Yéso, ágeɛ ka kema ka phɔakɛ.

Lóka 4:40

Ka gǎ á maní, ɓakpa ɓáombikia Yéso na ɓasambi ɗanga-ɗanga. Áǒbisia njaga moci-moci, áǒamisa.

Lóka 7:12

Ajú ka ngba-nji, áodondana na ɓakpa na ɓákumbi mǒnda á moganda moci, ngɔmu nde ɓa nke á k'ekusa. Ɓato á ka nji ɓásii ɗáɓáge kimoci na nke ndɔɔ.

Yoáni 11:3

Ɓáwákɛ ɓaɓɛ ndɔ, ɓáonteka nkpa kuɓî Yéso aɔ ka ngoɗeakɛ te: «Mɔkɔta, dakɔ ékondi aosamba.»

Ekuma á ɓateki 28:8

Abakɛ na Publíɔ ɗááɗe gǎkɛ k'éka ka nyɔngɔ nde, ɗátú na jónga, na ephóa á magia. Pɔ́lɔ áoga ɔmɔna ka yɛ, áobisa njaga gǔ akɛ, áɔmɛma Mokonga, áonamisa.

Ekuma á ɓateki 6:6

Ɓáǒbisa mosá á ɓateki, ɓateki ɓáǒbisia njaga, ɓáɔmɛma Mokonga ka nyɔngɔ aɓɔ.

Ekuma á ɓateki 8:17

Pɛ́tɛɛ na Yoáni ɗáɓábisi njaga gǔ aɓɔ, mpɔ ɓáoɓá na Měma á kanga ɓojeɗe.

Ekuma á ɓateki 9:12

Ande gea te, amɔni nkpa moci ka mphaniɔ. Nkpa ndɔ ɓáɔmɔphana Ananía, ɗángí k'éndu moci, áobisa njaga gǔ akɛ ka gea áɔnaphɛ goto.»

Ekuma á ɓateki 9:17

Mpɔ, Ananía áoga. Akiɗi ye k'éndu, áobisa njaga gǔ á Saúlɔ, áongea te: «Saúlɔ dani, Mɔkɔta Yéso, mmbɔ aokiɗianeima k'aphe ɓî otúma obika, amoteki mɔtɛ-akɔ gea, ɔ́ɔnaphɛ goto, Měma á kanga ɓojeɗe átúmɛ phɔtɔ suɓi akɔ.»