Málikɔ 5:22 - Ɔngana á Kɛ̌kɛ

²² Nkpa moci áokiɗia ina akɛ Yaílɔ. Ɗátú ka ɓakɔta á endu á madondanɔ ndea Ɓayúda ka nyɔngɔ á Mokonga. Mbenɔ nde ɗámɔni Yéso, áogua k'écinji akɛ,

Málikɔ 5:22 Iomraidhean Croise

Matáyɔ 2:11

Ɓáongia suɓi éndu, ɓáɔmɔna mbɛnjɛ n'amakɛ Malía. Ɓáogbuka muanku, ɓáombeba miki. Mbusa, ɓáokoɗaga nkumba nɛɓɔ, ɓáomopha ɛkɔmi: láté, ngaɛ́ na nkoki nde ɓáɔɔphana míla.

Málikɔ 5:33

Ɓî nke ndɔ aúbi ye gea aami, áoɓánga, áɔɛkanaga, áobika ogua k'écinji á Yéso, áongoɗea nyɔngɔ bui á ɗoni.

Málikɔ 5:38

Ɓî ɓákiɗi ye mɔtɛ á Yaílɔ, Yéso áɔ̌ɓɔna ɓakpa na ɓáyomboki na ɓáogáma na koga akpɛ.

Lóka 13:14

Ɓoamia ndɔ áɔmɓɛisa moamɛ éndu á madondanɔ ndea Ɓayúda ka nyɔngɔ á Mokonga nga, Yéso ɗánamisi nke ndɔ k'ésa á saɓáto. Kaɓondɔ, áǒngoɗea usɛsɛ á ɓakpa nde ɗáɓátú wa: «Ɓaya! Ɓena esa ngianjaga (6) nnde akeni ɓɛ́bɛɗanɛgɛ kau. Ka ɓ'esa ndɔ unge bikani ɓókaɓɛ ɓoamia. Nna k'ésa á saɓáto!»

Lóka 5:8

Simɔ́ni Pɛ́tɛɛ aɔni ye ɓó, áogbúka muanku akɛ mosá á Yéso, áongea: «Mɔkɔta, tóka ka mpɛphɛ ani nga, nende nto á ɓojeɗe.»

Lóka 8:28

Ɓî amɔni ye Yéso, áokoga «Hoo!» Áogua k'écinji akɛ, áɔyɔnga n'ɛsɔ akpɛ: «Eke nde ɓe n'oɓɛ kau, Yéso Muna-Mokonga mmbé ana kɔkɔta bui? Neoɗengemisigi, komotambisɛgɛmbɛ!»

Ekuma á ɓateki 13:15

Mbusa á tanga suɓi á ɓuku ɛ́ɔphi ndea Mósa, na suɓi á ɓuku ndea ɓaɔtu-nyɔngɔ ndea Mokonga, ɓaamɛ éndu á madondanɔ ndea Ɓayúda ka nyɔngɔ á Mokonga ɓáonteka nkpa ka ngoɗea Pɔ́lɔ na Baanába te: «Ɓaya, aoɓá na ɓona nyɔngɔ ka kpagisaga á měma á ɓakpa, yɔngani.»

Ekuma á ɓateki 18:17

Wa, ɓakpa ɓɔbu ɓáondunga Sɔsitɛ́ni, moamɛ éndu á madondanɔ ndea Ɓayúda ka nyɔngɔ á Mokonga, ɓáɔmɓɛtaga mosá á ntua á tena nyɔngɔ. Galíɔ kageɛ gǎkɛ ka kema.

Ekuma á ɓateki 18:8

Kiísipɔ, moamɛ á endu á madondanɔ ndea Ɓayúda ka nyɔngɔ á Mokonga ndɔ, â gǎkɛ omɓeekea Mɔkɔta, n'ekombo nɛkɛ bui. Ɓato á ka Kɔlítɔ ɓásii, ɓunde ɗáɓáɔ́ki ɓɔphɛi ndea Pɔ́lɔ, ɓáomɓeekea Mɔkɔta, ɓáǒɓatisa.

Mphaniɔ 22:8

Eme Yoáni aámbé ɗɛ́ɔ́ki nyɔngɔ ndɔ na ɔna í. Mbusa á ɔna na ɔ́ka í, néogbúka muanku mosá á malaéka nde ɗámophangi nyɔngɔ ndɔ ka beba akɛ.