Málikɔ 5:15 - Ɔngana á Kɛ̌kɛ

¹⁵ Ɓáobika bíbí á Yéso, ɓáɔmɔna nto á kukuwa á ɓansombo ɓásii n'aiki ka oɗo, n'aɔ́li bɔngɔ ánjá, n'aye tɔ oúbapha. Ɓakpa ndɔ ɓâ gǎkɛ oɓá na kɔɓɔɓɔkɔ.

Málikɔ 5:15 Iomraidhean Croise

Matáyɔ 12:29

Nna na nkpa nde aɔtɔka ngia k'éndu ndea nto á ɓukpɛkpɛ na uta akɛ nkumba nɛkɛ, aoɓá na kámɓóegembɛ phɔ́ nto á ɓukpɛkpɛ ndɔɔ! A ye omɓóaga, mpɔ áomuta nkumba nɛkɛ.

Matáyɔ 26:53

Kóoúba gea te, netókeni ɔphana á Abɛ, ámotekisiɛ mɔngɔ ímoci ekombo émani á ɓamalaéka kɔnyɛ́nya nkama moci na iɓɛ (12)?

Matáyɔ 4:24

Ɓoombia akɛ áɔɔ́kɛkana ka nji á Sulía bui. Ɓáombikia Yéso na ɓato á esambɔ ɗanga-ɗanga, na ɓunde ɓáotambanga na kukuwa ɗanga-ɗanga: kukuwa á ɓansombo, kukuwa á egǎ, na ɓaɗɔti. Yéso áǒamisa ɓɔbu.

Matáyɔ 9:33

Mbusa á Yéso ɓeaga á ɓansombo ndɔ, kaúma áokpanga yɔnga. Usɛsɛ á ɓakpa ɓáoyayama, ɓáɔyɔnga te: «Ɓɛ́kɛ́ɔnimbɛ mɔnɔ ɓende suɓi á Isilaɛ́li!»

Málikɔ 5:14

Ɓaɓondigi-ɓangɛa ɓáɔni ye ɓó, ɓáotea, na gǎ tɔ̌miaga nyɔngɔ ndɔ ka ntanga-nji na ka nji abɔbɔbɔa. Mpɔ, ɓakpa ɓáoga k'aphe á engekisa á nyɔngɔ nde ɗágeani.

Málikɔ 5:16

Cɔ, ɓundɔ ɗáɓáɔni nyɔngɔ ndɔ, ɓáɔ̌tɔmia ɓadaɓɔ nyɔngɔ nde ɗátɔtɔkɛani ka phɔa á nto á kukuwa á ɓansombo na ka phɔa á ɓangɛa.

Málikɔ 5:18

Mbenɔ nde Yéso ɗáokambea ka koko, nami ka kukuwa á ɓansombo ndɔ áonɗengemisaga gea, ɓágɛ na yɛ.

Málikɔ 5:4

Nga, ɗátú okakoaga ngoi á ngɔa nde ɗáɓátú ombóaga ně k'écinji. Nna na nkpa nde ɗáɔtɔka phɔngisa akɛ.

Málikɔ 5:9

Mbusa, Yéso áomúsia: «Ina akɔ ande eke?» Áonsikisia te: «Ina ani ande Ekombo á ɓato émani nga, ɓeɓiki phɛɛ.»

Lóka 10:39

Nke ndɔ ɗátú gǎkɛ na áwákɛ ina akɛ Malía. Malía áobika oika bíbí á Mɔkɔta, ka ɔ́ka á ɓɔphɛi.

Lóka 8:27

Ɓî Yéso ɗáokia ka koko, nkpa moci á ka ntanga-nji, áobika odondana na yɛ. Nkpa ndɔ ɗákisi tambaga na ɓansombo kala. Ɗánaɔɔ́la bɔngɔ. Ɗánáoika k'éndu, ɗá ndiu koika ka bóta.

Ɓakɔlɔsái 1:13

Yɛ aámbé ɗásókoɗigi ka ɓukpɛkpɛ á kaiphiɔ, áosóngisa ka koɓoamɛ ndea Miki nɛkɛ ékondi.

2 Timɔtɛ́ɔ 1:7

Nga, Mokonga ɗákásophi měma á kɔɓɔɓɔkɔ. Ɗásóphi ndiu Měma á ɓukpɛkpɛ, ekondi na éamba.