Málikɔ 4:8 - Ɔngana á Kɛ̌kɛ

⁸ Nɛngbo áogua ka oɗo ánjá. Áɔtɛa, áophonda, áɔgɔmbisa. Ejoko moci áɔgɔmba mbuka nkama isaɔ (30), nɛngbo nkama ngianjaga (60), nɛngbo mia moci (100).

Málikɔ 4:8 Iomraidhean Croise

Matáyɔ 13:23

Mbó nde ɗágú ka oɗo ánjá, a ɓea ɓundɔ ɓáɓeeki Nyɔngɔ á Mokonga, aéengi ka měma áɔgɔmbisa mbuka: Nɛngbo miamoci (100), nɛngbo nkama ngianjaga (60) na nɛngbo nkama isaɔ (30).»

Matáyɔ 13:8

Mbó nɛngbo â gǎkɛ oguwa ka oɗo ánjá, áɔɓɔkɔta. Nɛngbo áoɓá mbuka mia moci (100), nɛngbo nkama ngianjaga (60), nɛngbo nkama isaɔ (30).

Málikɔ 4:20

Mbó nɛngbo ɗágu ka oɗo ánjá. Oɗo ndɔ, a ɓea ɓakpa ɓunde ɓáɔɔ́ka Nyɔngɔ á Mokonga, ɓáoɓeekea, áɔgɔmba suɓi aɓɔ. Moci áɔgɔmba mbuka nkama isaɔ (30), nɛngbo nkama ngianjaga (60), nɛngbo mia moci (100).»

Málikɔ 4:7

Nɛngbo áogua ka oɗo á ngenge. Ngenge áɔtɛa, áophiphisa mbó kau, kagɔmbɛ ye.

Málikɔ 4:9

Cɔ, mmbé ana kecue ka ɔkapha, ambe áɔ́kɛ.»

Lóka 8:15

Nndɔ agu gǎkɛ ka oɗo ánjá, a ɓea mbenɔ nde ɓakpa ɓáɔɔ́ka Nyɔngɔ á Mokonga, ɓáoamba nyɔngɔ kau ka měma ánjá na měma á ɗoni. Ɓɔ gǎkɛ, ɓáoamba Nyɔngɔ ndɔ k'ésa ásii na gɔmbisa á mbuka.

Lóka 8:8

Nɛngbo â gǎkɛ ogua ka oɗo ánjá. Áɔtɛa, áɔgɔmbisa. Mbó moci áɔgɔmba ejoko á mbuka mia moci (100).» Wa, Yéso áoɗáphisa ɛsɔ akɛ, áogea ɓe: «Cɔ, mmbé ana kecue á ɔkapha, ambe áɔ́kɛ!»

Yoáni 15:5

Eya, nende ɓea me á mujabíbu ndɔɔ. Ɓonde gǎkɛ ɓea ntabi í. Mmbé aiki suɓi ani, néoika suɓi akɛ, agɔmbande phɛɛ ka měma. Nga, ɓókótɔtɔkisɛku ka kema aoɓá na ɓókó tɔ kimoci n'eme.

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

Ɓaɛphɛ́sɔ 2:21

Nga, yɛ aámbé asukíí mɔphɛkɔ ndɔ bui kimoci, áoɓá endu ɛ́mɛmi á kanga ɓojeɗe ndea Mɔkɔta.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓakɔlɔsái 1:6

Mbino-Ánjá ndɔ, aɛmbi mokonda bui, áɔgɔmbisa mbuka. A tɔ ɓíndɔ Mbino-Ánjá ndɔ, ɗági sɔsɔɓɛ anu kpanga á esa ndɔ ɗɔ́ɓɔɔ́ki k'ama mosá-mosá mbino á ɓonjánja-ékondi ndea Mokonga na úba gea ande á ɗoni.