Málikɔ 4:24 - Ɔngana á Kɛ̌kɛ

²⁴ Mpɔ, Yéso áǒgea te: «Óengani na nyɔngɔ nde ɓɔɔɔ́ka. Moangɔ nde ɓɔɔbɛɗa ka tena á nyɔngɔ á ɓakpa ɓunɛngbo aunge Mokonga abɛɗande ka tena á nyɔngɔ ínɛnu. Ayameande phɔtɔ.

Málikɔ 4:24 Iomraidhean Croise

Matáyɔ 7:2

Nga ɓíndɔ ɓootena nyɔngɔ ndea ɓakpa ɓuangbo, a tɔ unge Mokonga atenande nyɔngɔ ínɛnu. Mokonga akogeande phɔtɔ ɓíndɔ oógea ɓakpa ɓunɛngbo.

Málikɔ 9:7

Mpɔ, egugu áobika, iimbiɔ í áǒgbukumia. Ɓáɔɔ́ka ɛsɔ n'aotóka suɓi í gea: «Mmbé ande miki nɛmɔ ékondi, mɔ́kani yɛ.»

Lóka 8:18

Kaɓondɔ, ɛngɛphani mbenɔ nde ɓɔɔ́ka nyɔngɔ! Nga, mmbé ana ka kema aámbé ɓáyameande k'ínɛkɛ. Mmbé nna gǎkɛ na ka kema, ɓámutande n'ǐndɔ aně.»

Yoáni 10:16

Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Yoáni 10:27

Ɓamɔgɔgɔ nɛmɔ ɓáɔɔ́ka ɛsɔ ani. Eme, néǒɓúba, ɓáomoɓea.

Yoáni 5:25

Eya, nenóngoɗi ɗoni gea, mbenɔ aobika, n'a ye biki, ɓasí ɓáɔ́kande ɛsɔ á Muna-Mokonga, na ɓunde ɓáɔ́kande ɛsɔ ndɔ, ɓáendande.

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

2 Ɓakɔlítɔ 9:6

Cɔ, kanisiani phɔ́ mɛní ndee: «Ookona ábɔa, ô ɗungua ábɔa. O gǎkɛ okona ásii, ô ɗungua ásii.»

Ɓaɛbulanía 2:1

Ɓî a ɓó, akeni ɓétetemisɛ phɛɛ nyɔngɔ nde ɓɛɔ́ki ka gea, ɓékeɓúngɛgɛmbɛ.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.