Málikɔ 4:17 - Ɔngana á Kɛ̌kɛ

¹⁷ Aoɓá ka mbenɔ á kpǎ á minyɔ na tambaga ka Nyɔngɔ á Mokonga, ɓâ ndiu okamba ú. Ɓáogua nga, Nyɔngɔ á Mokonga ɗákángisi mǐgi suɓi aɓɔ.

Málikɔ 4:17 Iomraidhean Croise

Matáyɔ 11:6

Maseye ka nkpa nde káɗeketɛku ɓeekea nɛkɛ ka nyɔngɔ ani.»

Matáyɔ 12:31

Kaɓondɔ unge nenógie, Mokonga aímande ɓojeɗe nɛɓɔ bui na mbóma nde ɓakpa ɓáombóma Mokonga. Nkpa nde a gǎkɛ ombóma Měma á kanga ɓojeɗe, Mokonga káímɛku ɓojeɗe nɛkɛ.

Matáyɔ 13:21

Nyɔngɔ kau kaɓɛ gǎkɛ na mǐgi suɓi aɓɔ. Ɓá tɔ ǒyamea ka Nyɔngɔ ndɔ ka mbenɔ ábɔa. Aoɓá ka mbenɔ á tambaga na ea á minyɔ ka phɔa Nyɔngɔ á Mokonga, ɓáogua mɔngɔ ímoci.

Málikɔ 4:16

Mbó nɛngbo ɗágu k'ɔ́ma á ɛtɛ nnde ɗákátú na oɗo ásii. Oɗo ndɔ a ɓea ɓakpa nde ɓáɔɔ́ka Nyɔngɔ á Mokonga. Ɓáoɓeekea ú mɔngɔ ímoci na maseye.

Málikɔ 4:18

Mbó nɛngbo ɗágu ka oɗo á ngenge. Oɗo á ngenge ndɔ a ɓea ɓakpa ɓunde ɓáɔɔ́ka Nyɔngɔ á Mokonga.

Lóka 12:10

Nkpa buakɛ, mmbé aɔyɔnga nyɔngɔ ájeɗe gǔ á eme Muna-Nkpa, Mokonga aímande ɓojeɗe nɛkɛ. Mmbé a gǎkɛ ombóma Měma á kanga ɓojeɗe, Mokonga káímɛku ndiu ɓojeɗe nɛkɛ.

Yoáni 8:31

Yéso áǒngoɗea Ɓayúda nde ɗáɓámɓeeki áǒgea: «Aoɓá na ɓoambi nyɔngɔ nɛmɔ, ɓonde ɓagoigi nɛmɔ ɗoni.

Ɓagalatía 6:12

Ɓakpa ɓunde ɓáokáɓa gúsisa anu ganja k'akpɛ, ɓánde ɓakpa ɓunde ɓáokonda ébeba ka nyɔngɔ á kokpa. Ɓáogea ɓó ka ɓánga tambaga ka moyangɔ ndea Kiísito.

2 Timɔtɛ́ɔ 1:15

Cɔ, a ɓíndɔ ooúba, ɓakpa ɓɔbu á ka Asía ɓámomakei ngɔngɔ. Sɔsɔɓɛ aɓɔ ande Phigɛ́lɔ na Ɛɛmɔgɛ́nɛ.

2 Timɔtɛ́ɔ 4:10

nga, Dɛ́ma amosagi ka nyɔngɔ nde, akondi kema á ka mokonda ndee. Yɛ, age ka ntanga-nji á ka Tɛsalɔníka. Kɛɛ́skɛ age nɛkɛ ka ntanga-nji á ka Galatía na Títɔ áoga nɛkɛ ka ntanga-nji á ka Daamatía

2 Timɔtɛ́ɔ 4:16

Mbenɔ nde ɗétúɔ̌yɔngɛa sasani k'ama mosá-mosá ka ntua á tena á nyɔngɔ, nna tanda na nkpa nde ɗámoengi. Ɓakpa ɓɔbu ɗáɓámoɗu ndiu. Cɔ, Mokonga k'ětangeɛmbɛ ɓojeɗe nɛɓɔ!

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

1 Yoáni 2:19

Ɓaɓiɓia ndɔ, ɗáɓátókei mɔtɛ-asu, ɗáɓákátú gǎkɛ ɓunɛsu. Ɗáɓátúoɓá ɓunɛsu, ámbé ɗáɓáiki kimoci na ɓesu. Ɓásoɗeketi gǎkɛ ka gea te, áubikanɛ base gea, ɗáɓákátú ɓunɛsu.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.