Málikɔ 3:3 - Ɔngana á Kɛ̌kɛ

³ Yéso â gǎkɛ ongoɗea nɗɔti te: «Má mosá á ɓakpa!»

Málikɔ 3:3 Iomraidhean Croise

Matáyɔ 12:10

Suɓi éndu á ɛmɛmi ndɔ, nkpa moci ɗátú wa, njaga akɛ n'aphɛphi. Mpɔ Ɓaphaisáyɔ ɓáokaɓa aphe á tɔnga á Yéso. Kaɓondɔ, ɓáomúsia te: «Ɛɔphi asósosi gea, ɓéamisɛ ɓasambi esa á saɓáto?»

Málikɔ 3:2

Ɓaphaisáyɔ nde ɗáɓátú wa ɓâ gǎkɛ ɔmɔɔnjia bîbíbí ka gea te, ɓáɔnɛ phɔ́ aoɓá n'anamisande nɗɔti ndɔ esa á saɓáto mpɔ, ɓáɓɛ ye tɔ na nyɔngɔ á tɔnga akɛ ně.

Málikɔ 3:4

Mpɔ áǒɓúsia te: «Cɔ, kema sina ɛɔphi nɛsu asosi gea í k'ésa á saɓáto? Kaɓɛ gea kema ánjá, kaɓɛ gea kema ájeɗe? Kaɓɛ amisa á nkpa, kaɓɛ kusa akɛ?» Ɓakpa ɓɔbu ɓâ gǎkɛ ɔkɔɓa phio!

Lóka 6:8

Wa, ɓî Yéso ɗáúbi kanisia nɛɓɔ á ɓɔsɔmɛa, áongoɗea nɗɔti ndɔ: «Ómesia, ómɛ mosá á ɓakpa.» Áǒmesia, áoma mosá aɓɔ.

Yoáni 9:4

Ɓî esa a phɔ́tɔ ɓei, akeni ɓɛ́bɛɗanɛgɛ ekuma ndea mmbé ɗámoteki. Keiphe a ye bíbí, nnde nkpa kábɛɗanɛgɛku ye.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

Ɓagalatía 6:9

Ɓégeɛni kema ánjá kángá ɛla. Nga, aoɓá na ɓékéɛli, ɓeɗunguande ka mbenɔ ndɔ aobika.

Ɓaphilípi 1:14

Ɓî a ɓó, ɓadani ɓakiísito ɓásii ɓá ye tɔ na nténdé á ɓeekea á Mɔkɔta, phɔtɔ na éyamea ka tɔ̌miaga á nyɔngɔ á Mokonga kángá á kɔɓɔɓɔkɔ.

1 Pɛ́tɛɛ 4:1

Cɔ, ka nyɔngɔ nde Kiísito ɗátambigi ka nyama akɛ, ɓenu phɔtɔ, ókakamisani ka ɓá na mɔphɛ nde ɗátú ně. Nga, nkpa nde atambigi ka nyama akɛ, akatani na ɓojeɗe ɗoni.