Málikɔ 3:29 - Ɔngana á Kɛ̌kɛ

²⁹ Nkpa nde a gǎkɛ ombóma Měma á kanga ɓojeɗe, Mokonga káímɛeka tanda ɓojeɗe ndɔ. Ɓojeɗe nɛkɛ aikande mɛyɔ.»

Málikɔ 3:29 Iomraidhean Croise

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Matáyɔ 9:3

Ka ɓaɗundu-ɛɔphi ɓáɔyɔnga sɔsɔɓɛ aɓɔ te: «Nkpa nde aombóma Mokonga.»

Málikɔ 12:40

Ɓɔ, ɓá phɔtɔ kouta kema bui ndea ɓake á kekusa na mɛma á Mokonga ka mbenɔ éndǎ mosá á ɓakpa ka gea ɓakpa ɓɛ́ɓɔnɛ. Mokonga atenaeka gǎkɛ nyɔngɔ nɛɓɔ akpɛ phɛɛ.»

Málikɔ 3:30

Yéso ɗéngoɗi ɓo nga, ɗáɓági te: «Ɓansombo ɓáiki suɓi akɛ.»

Lóka 12:10

Nkpa buakɛ, mmbé aɔyɔnga nyɔngɔ ájeɗe gǔ á eme Muna-Nkpa, Mokonga aímande ɓojeɗe nɛkɛ. Mmbé a gǎkɛ ombóma Měma á kanga ɓojeɗe, Mokonga káímɛku ndiu ɓojeɗe nɛkɛ.

2 Ɓatɛsalɔníka 1:9

Tambaga nɛɓɔ, aɓande otúkɔtúkɔ á kanga sungiaga, na katana ɗanga na Mɔkɔta, na katana ɗanga na ɓoombia á ɓukpɛkpɛ nɛkɛ.

Yúda 1:13

Ɓákengeani na kɛtɛmbɔ akpɛ á oɓenge, nnde aophúia phû á tambea aɓɔ á soni. Ɓákengeani na ɓasɛɛngɔa nde ɓáotoaga. Mokonga aebisíí esa bui ɔma á kaiphiɔ akpɛ phɛɛ.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.