Málikɔ 3:22 - Ɔngana á Kɛ̌kɛ

²² Mpɔ, ɓaɗundu-ɛɔphi ɓunde ɓátóki na Yɛusalɛ́ma ɓáogea: «Bɛljɛbúli, mɔkɔta á ɓansombo, a suɓi á Yéso. Yɛ aǒjuanisa ɓansombo ka ɓukpɛkpɛ á Bɛljɛbúli.»

Málikɔ 3:22 Iomraidhean Croise

Matáyɔ 10:25

Ambe ngoigi áɓɛ ɓea ngoisigi nɛkɛ, mbɛɗanigi áɓɛ ɓea mɔkɔta ékuma nɛkɛ. Aoɓá na ɓámɔphani mɔkɔta á ekombo k'ína Bɛljɛbúli, ɓáɛɓɔphanande ɓato á k'ékombo nɛkɛ k'ína ájeɗe phɛɛ.»

Matáyɔ 11:18

Cɔ, Yoáni ɗábiki, ɗákáoeaga na noa. Ɓakpa ɓâ ndiu ogea te, ana ɓansombo.

Matáyɔ 12:24

Ɓî Ɓaphaisáyɔ ɓáɔ́ki gǎkɛ nyɔngɔ ndɔ, ɓáogea: «Mogaa nde aǒjuanisa ɓansombo ka kɔkɔta á Bɛljɛbúli, mɔkɔta á ɓansombo.»

Matáyɔ 15:1

Cɔ, Ɓaphaisáyɔ na ɓaɗundu-ɛɔphi ɓáombikia Yéso na ɓátóki na Yɛusalɛ́ma, ɓáongea:

Matáyɔ 9:34

Ɓaphaisáyɔ ɓâ gǎkɛ ɔyɔnga te: «mɔkɔta á ɓansombo aámbé amophi Yéso ɓukpɛkpɛ á juanisa á ɓansombo.»

Málikɔ 7:1

Esa moci, Ɓaphaisáyɔ na ka ɓaɗundu-ɛɔphi ɓunde ɗáɓátóki na Yɛusalɛ́ma, ɗáɓádondanigi mosá á Yéso.

Lóka 11:15

Ɓunɛngbo gǎkɛ, ɓáogea: «Yéso aǒjuanisa ɓansombo ka ɓukpɛkpɛ á Bɛljɛbúli, mɔkɔta ndea ɓansombo.»

Lóka 5:17

Esa ímoci, ɓî Yéso ɗáogoisaga, Ɓaphaisáyɔ na ɓagoisigi-ɛɔphi ɗáɓáiki ka mpɛphɛ akɛ. Ɗáɓátóki ka nji ɗanga-ɗanga á ka Galiláya n'índe á ka Yudɛ́a na á ka Yɛusalɛ́ma. Ɓukpɛkpɛ á Mɔkɔta Mokonga ɗátú suɓi akɛ ka amisa á ɓasambi.

Yoáni 10:22

Cɔ, esa moci ka mbenɔ á gua á jaí ɛ́mɛmi ka kanisia esa á ukuwa endu á Mokonga na Yɛusalɛ́ma, ɗátú matú á phiɔ.

Yoáni 7:20

Usɛsɛ á ɓakpa ɓáonsikisia te: «Ona ɓansombo! Ani mmbé aokaɓa mowa akɔ?»

Yoáni 8:48

Ɓayúda ɓáonsikisia Yéso gea: «Nna phɔ́tɔ ɗoni unge ɓeogea, onde Mosamalía n'ona ɓansombo?»

Yoáni 8:52

Mpɔ Ɓayúda ɓáongoɗea: «Kɛ̌kɛnde ɓeúbi ye tɔ gea ona ɓansombo. Abalaámu, na ɓaɔtu-nyɔngɔ ndea Mokonga, ɓáku. Oɓɛ gǎkɛ, ogi: ‹aoɓá nkpa n'aambi nyɔngɔ nɛmɔ, kákuwɛeka ye tanda.›