Málikɔ 3:2 - Ɔngana á Kɛ̌kɛ

² Ɓaphaisáyɔ nde ɗáɓátú wa ɓâ gǎkɛ ɔmɔɔnjia bîbíbí ka gea te, ɓáɔnɛ phɔ́ aoɓá n'anamisande nɗɔti ndɔ esa á saɓáto mpɔ, ɓáɓɛ ye tɔ na nyɔngɔ á tɔnga akɛ ně.

Málikɔ 3:2 Iomraidhean Croise

Matáyɔ 12:10

Suɓi éndu á ɛmɛmi ndɔ, nkpa moci ɗátú wa, njaga akɛ n'aphɛphi. Mpɔ Ɓaphaisáyɔ ɓáokaɓa aphe á tɔnga á Yéso. Kaɓondɔ, ɓáomúsia te: «Ɛɔphi asósosi gea, ɓéamisɛ ɓasambi esa á saɓáto?»

Málikɔ 3:3

Yéso â gǎkɛ ongoɗea nɗɔti te: «Má mosá á ɓakpa!»

Lóka 14:1

Esa á saɓáto moci, Yéso ɗáge k'éndu ndea mɔkɔta moci á Ɓaphaisáyɔ k'aphe á eaga. Kó, ɓakpa ɓáɔmɔnjia bîbíbí.

Lóka 20:20

Mpɔ ɓáokpanga ɓɔgɔmɛaga á Yéso, ɓáǒteka ɓakpa nde ɗáɓáǒdemisaga gea ɓánde ɓato á koɗoni ka gea, Yéso átɛ ka mɛ̌kɔ nɛɓɔ mbenɔ nde aɓande ɔyɔnga. Wa unge ɓántɔngande mɔtɛ á mmbé ana kɔkɔta á nji bui.

Lóka 6:7

Wandɔ, Ɓaphaisáyɔ na ɓaɗundu-ɛɔphi ɗáɓáɔmɔnjia Yéso bîbíbí ka úba ámbé anamisande ka ɓakpa esa á saɓáto, ka gea ɓáɓɛ na nyɔngɔ nde ɓántɔngande kau.

Yoáni 8:6

Ɗáɓáɔyɔnga ɓó ka tombaga akɛ gea, ɓántɔngɛ. Yéso â gǎkɛ ǒgbuka, áoɗundua ka oɗo na miki á njaga.

Yoáni 9:16

Ɓaphaisáyɔ ɓuangbo ɓáogea: «Nkpa ndɔ kátóki ka Mokonga nga, nna koamba ɛɔphi á saɓáto.» Ɓuangbo ɓâ ndiu ogea: «Ai! Nto á ɓojeɗe aɔtɔka n'atɔtɔkisi mphangiɔ ɓínde ɓo?» Kaɓondɔ, ɓáokatanaga.