Málikɔ 3:10 - Ɔngana á Kɛ̌kɛ

¹⁰ Ɓáɔni ye ɓî Yéso aéamisi ɓakpa ɓásii, ɓasambi ɓɔbu ɓáokamisaga sɛkɛɗa ka mpɛphɛ akɛ ka gea, ɓɔbu ɓámbooɛ ka yɛ.

Málikɔ 3:10 Iomraidhean Croise

Matáyɔ 12:15

Ɓî Yéso ɗáúbi ye gea ɓáogea ɓámmowɛ, áotóka wa. Ɓakpa ɓásii ɓáomɓea, áǒamisa ɓasambi ɓɔbu.

Matáyɔ 14:14

Ɓî Yéso atóki ka koko, áɔɔna usɛsɛ á ɓakpa, áǒkuia ngomi phɛɛ. Áǒamisa ɓunde ɗáɓáosamba ka ɔlɔ aɓɔ.

Matáyɔ 14:36

Ɓáonɗengemisaga Yéso gea te, ɓádungɛ ye phɔ́ ɛɔkɔ á bɔngɔ nɛkɛ. Ɓundɔ ɗáɓádungi kau, ɓáoama ɓɔbu.

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Málikɔ 5:34

Mpɔ, Yéso áongoɗea te: «Nseka nɛmɔ, ɓeekea nɛkɔ akoamisi. Cɔ, gǎ ka ɓujɛjɛ, oami ka kukuwa ndɔɔ.»

Málikɔ 6:56

Cɔ, ɔma bui nde Yéso ɗátúongia, kaɓɛ ntanga-nji, nji, na motumbe, ɓáǒbisa ɓato á esambɔ ka ntanga. Ɓáonɗengemisaga Yéso gea, ambe ɓakpa ɓátódungɛ phɔ́ ɛɔkɔ á bɔngɔ nɛkɛ. Ɓakpa ɓɔbu ɓunde ɗáɓátúodunga, ɓáoama.

Málikɔ 8:22

Yéso na ɓagoigi nɛkɛ ɓáoga na Bɛtɛsaída. Kó, ɓáombikia Yéso na keíme-íme moci, ɓáonɗengemisaga gea te, ándungɛ ka yɛ.

Lóka 5:3

Mpɔ Yéso áokambea ka koko ndɔ moci nnde á Simɔ́ni, áɔmmɛma yɛ, átútuisɛ koko ɗanga ábɔa n'ɔɓɛɛ. Yéso áoika ka koko, áǒgoisaga usɛsɛ á ɓakpa.

Lóka 6:19

Ɓakpa ɓɔbu ɗáɓáokáɓa bǒwa akɛ nga, ɓukpɛkpɛ á ɓoamia ɗáotóka ka yɛ na amisa aɓɔ ɓɔbu.

Lóka 7:2

Wa, mɔkɔta á ɓato émani ndea Ɓalɔ́ma, ɗátú na mbɛɗanigi nɛkɛ mǒko n'ankondi phɛɛ. Mbɛɗanigi ndɔ ɗáoɗúsukanaga na kukuwa.

Lóka 7:21

Ka mbenɔ ndɔ tɔ, Yéso ɗátú ǒamisa ɓasambi ɓásii, ɓaɗɔti, â phɔtɔ ǒjuanisa ɓansombo na ɔnaphisa á ɓakeíme-íme ɓásii.

Ekuma á ɓateki 5:15

Ka nyɔngɔ á kema bui nde ɗágeani, ɓakpa ɓáǒbika na ɓasambi na ɓébisi k'éka na ka kɛsɛ, ɓáǒbisa k'aphe, ɓáoseɓea gea, iii á Pɛ́tɛɛ égbukumiɛ mbenɔ nde aɔnyɛ́ya.

Ɓaɛbulanía 12:6

nga, Mɔkɔta aɔnsɛ́ka mmbé ankondi, aomɓinda miki buakɛ mmbé amɓeeki.»