Málikɔ 2:24 - Ɔngana á Kɛ̌kɛ

²⁴ Mpɔ, Ɓaphaisáyɔ ɓáongoɗea Yéso te: «Ɛnjia phɔ́! Ɓagoigi nɛkɔ ɓáɔbɛɗanaga esa á saɓáto na ɓáphení bɛɗanaga k'ésa ndɔ ka ɓo?»

Málikɔ 2:24 Iomraidhean Croise

Matáyɔ 12:2

Ɓî Ɓaphaisáyɔ ɓáɔni ɓó, ɓáongoɗea Yéso: «Ɔ́na, ɓagoigi nɛkɔ ɓági kema nde ɓáimisíí gea í k'ésa á saɓáto. Nga, ɓábɛɗi ekuma esa á saɓáto!»

Málikɔ 2:16

Ɓaphaisáyɔ ɓunde ɓánde ɓaɗundu-ɛɔphi ɓáɔni ye ɓî Yéso ɗátú oeaga na ɓato á ɓojeɗe na ɓaphendisigi-manjanja, ɓáǒngoɗea ɓagoigi nɛkɛ te: «Ka nyɔngɔ sina nde Yéso aoeaga na ɓaphendisigi-manjanja na ɓato á ɓojeɗe?»

Málikɔ 2:25

Yéso áǒsikisia te: «Ɓókótangimbɛ mɔnɔ kema nde Daúdi na ɓakpa nɛkɛ ɗáɓági mbenɔ nde ɗáɓáku na nja?

Málikɔ 2:7

«Mogaa nde ayɔngi ɓo ka ɓo? Ambómi Mokonga nga, ani mmbé aɔtɔka n'aími ɓojeɗe na nna tɔndɔ Mokonga sasakɛ?»

Ɓaɛbulanía 12:3

Eya, nkanisiani Yéso. Nanga ɓî ɓato á ɓojeɗe ɗáɓánkangei phɛɛ, ɗáphiphíí. Geani tɔ ɓó ka gea te, měma anu kaɛlɛmbɛ na ɗeketa á nseɓeɔ.