Málikɔ 2:20 - Ɔngana á Kɛ̌kɛ

²⁰ Aɓande n'esa nde ɓámphúiande mǒko-ɛ́kɛka sɔsɔɓɛ aɓɔ, k'ésa ndɔ unge ɓáikande kángá á eaga.»

Málikɔ 2:20 Iomraidhean Croise

Matáyɔ 26:31

Mpɔ Yéso áǒgea ɓagoigi nɛkɛ te: «Kesande kǐpha ɓenu ɓɔbu ɓoguande ka ɓeekea nɛnu ka nyɔngɔ ani ɓíndɔ ɗáɓáɗundu suɓi á Ɓuku á Mokonga: ‹Nenkusande mɓondigi-ɓamɔgɔgɔ, na nsamba á ɓamɔgɔgɔ ndɔ ɓáphanjekanande.›

Matáyɔ 9:15

Yéso áǒsikisia te: «Ɓato-ɛ́kɛka ɓáikimbɛ mɔnɔ na ngomi na mǒko-ɛ́kɛka a kimoci na ɓɔ? Ɓɛɛndɔ! Ɓáikande kángá á eaga ka nyɔngɔ á mɛma á Mokonga mbenɔ nde ɓámphúiande mǒko-ɛ́kɛka ka ɔlɔ aɓɔ.

Málikɔ 2:19

Yéso áǒsikisia te: «Ɓato á ɛkɛka ɓáikimbɛ mɔnɔ kángá á eaga na mǒko-ɛ́kɛka a kimoci na ɓɔ? Ɓɛɛndɔ. Ka mbenɔ bui nde mǒko-ɛ́kɛka a kimoci na ɓɔ, ɓánáɔtɔka na ɓáiki kángá á eaga.

Málikɔ 2:21

«Nna na nkpa nde aophopha phaeka á bɔngɔ á kɛ̌kɛ gǔ á bɔngɔ á kala. Aogea ɓó, phaeka á bɔngɔ á kɛ̌kɛ nnde ɓáyami abomande nnde á kala, bomoka í áondanda phɛɛ.

Lóka 17:22

Mpɔ, áǒngoɗea ɓagoigi nɛkɛ: «Mbenɔ moci ajuande, nnde ɓoɓande na siki á ɔna ani eme Muna-Nkpa, nanga k'ésa moci tɔ, ɓɔ́kɔ́mɔɔnɛku.

Lóka 5:35

Esa kájumbɛ ɓî ɓándungaeka mǒko-ɛ́kɛka. Wandɔ unge, ɓáikaeka kángá á eaga.»

Yoáni 12:8

Ɓoɓande na ɓaúki esa bui, eme gǎkɛ, kéɓɛku na ɓenu esa bui.

Yoáni 13:33

Ɓaniki amɔ, ne ye goto tɔ na ɓenu wani ka mbenɔ ábɔa. Ɓomokaɓande. Nenóngoɗi tɔ ɓíndɔ ɗéengoɗi Ɓayúda, ɓɔ́kɔ́ɔtɔka na ɓoge k'ɔ́ma nde nege.

Yoáni 16:28

Cɔ, netótóki mɔtɛ á Abɛ, néojua ka mokonda. Kɛ̌kɛnde, netóki gǎkɛ ka mokonda, neji mɔtɛ á Abɛ.»

Yoáni 16:7

Cɔ, nenóngoɗi gǎkɛ ɗoni gea, atú ánjá ka ɓenu négɛ. Nga, aoɓá na kége, ámbé Nengi kábikɛku mɔtɛ-anu. Cɔ, a gǎkɛ oɓá na nege, nenótekisiande yɛ.

Yoáni 17:11

Ké ye ka mokonda, nege mɔtɛ-akɔ, ɓɔ ɓáunge ɓá phɔ́tɔ ka mokonda. Abɛ, nto á kanga ɓojeɗe, óamba ɓɔ ka ɓukpɛkpɛ á ina akɔ. Ina ndɔ ɗómopi ka gea, ɓakpa nɛsu ɓáɓɛ kimoci, ɓíndɔ oɓɛ n'eme ɓe kimoci.

Yoáni 17:13

Cɔ, kɛ̌kɛnde, nege mɔtɛ-akɔ. Neyɔngi ɓó na ne phɔ́tɔ ka mokonda ka gea, maseye nɛmɔ átúmɛ suɓi aɓɔ pú!

Yoáni 3:29

Munya-mpakai, aámbé ande munya nke. Dakɛ na mǒko gǎkɛ a tɔ bíbí akɛ, áotúma na maseye ɓî aɔɔ́ka ɛsɔ á mǒko ndɔɔ. Kaɓondɔ, netúmi na maseye phɛɛ.

Ekuma á ɓateki 1:9

Mbusa á yɔnga akɛ ɓó, Mokonga áontáisisa Yéso na koba. Ɓateki na ɓá phɔ́tɔ kɔɛnjia na koba, egugu áomɓómba, ɓákámɔnɛ ye.

Ekuma á ɓateki 14:23

Suɓi á kanisa moci-moci á ka nji ndɔ, Pɔ́lɔ na Baanába ɓáɔ̌sɔmbɔa ɓagbɛga á kanisa. Mbusa í, ɓáɔmɛma na ika kángá á eaga ka nyɔngɔ á mɛma á Mokonga. Mpɔ ɓáǒbisa ka njaga Mɔkɔta mmbé ɓámɓeeki éambɛ.

Ekuma á ɓateki 3:21

Kɛ̌kɛnde gǎkɛ, akeni Kiísito áikɛ na koba ka sungiaga ɓî Mokonga aɓɔngisiande goto kema bui, ɓíndɔ ɗéengoɗi ɓaɔtu-nyɔngɔ nɛkɛ á kala, ɓato á kanga á ɓojeɗe.

1 Ɓakɔlítɔ 7:5

Ɓókóúmanɛ mɔnɔ. Aoɓá n'ande ka nyɔngɔ á mɛma á Mokonga, ɔ́kanani ko ɓaɓɛ anu ka mbenɔ ábɔa. Mbusa í, ɓóodondana ka ɓánga gea, Sɛtáni kanótombɛgɛmbɛ, ka nyɔngɔ nde, ɓókó na ɓukpɛkpɛ á amba nyama anu.

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

2 Ɓakɔlítɔ 11:27

Ɗétambigi k'ékuma ásii, ɗɛ́phɛigi tɔ̌, néokuwa na nja n'ɛnyɔta, néoikaga kángá á eaga ka nyɔngɔ á mɛma Mokonga, néoɓá na phiɔ na ɓá na ɓuyɛnɛ á ngɔ́mbɛ.

2 Ɓakɔlítɔ 6:5

Ɗáɓásóɓindi na makea asu ka mekakɔ, ɓakpa ɓáosobikisia oyombɔ, ekuma áosóphûmisa, ɓékéɓɛ na tɔ̌ k'íso na ika kángá eaga ka nyɔngɔ á mɛma Mokonga.

Mphaniɔ 19:7

Ɓéguɛni jaí na maseye. Ɓénɗokomiseni nga, mbenɔ éyamani á Muna-mɔgɔgɔ akpeengeani. Nke éyamani nɛkɛ ɛ̌ɓɔngisigi.

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»