Málikɔ 2:2 - Ɔngana á Kɛ̌kɛ

² Kaɓondɔ, ɓakpa ɓásii ɓáodondanaga wa, na ka ɓî ɓakpa ɗáɓáɓɔkani suɓi éndu phɔtɔ k'íso á mpume, Yéso n'aɔ̌phɛa nyɔngɔ á Mokonga.

Málikɔ 2:2 Iomraidhean Croise

Matáyɔ 5:2

mpɔ áokpanga goisaga aɓɔ ɓe:

Málikɔ 1:14

Esa moci Yéso áoga na Galiláya ka mbenɔ nde ɗáɓándungisi Yoáni. Áɔtɔmia Mbino-Ánjá ndea Mokonga.

Málikɔ 1:33

Ka ntanga-nji ndɔ, ɓakpa ɓɔbu ɓáodondanaga k'íso á mpume.

Málikɔ 1:37

Ɓî ɓándondi ye, ɓáongoɗea te: «Ɓakpa ɓɔbu ɓáokokaɓa.»

Málikɔ 1:45

Nto á kukuwa á sǔ ndɔ â ndiu oga okpanga tɔ̌miaga á nyɔngɔ nɛkɛ ka ntanga mosá á ɓakpa ɓɔbu. Kaɓondɔ, Yéso katɔkɛ ye ngia ka ntanga-nji k'íso á ɓakpa, â ndiu oga oika ka nkanda. Ɓakpa ɓâ gǎkɛ otóka ɔma bui, ɓáobika ondonda.

Málikɔ 2:1

Mbusa á ɓ'esa ábɔa, Yéso áosikianaga na Kapɛɛnaúmu. Ɓakpa ɓáɔɔ́ka te a mɔtɛ-aɓɔ.

Málikɔ 2:13

Yéso â goto oga ka mpɛphɛ á etǔ Galiláya. Ɓakpa ɓásii ɓáobika ondonda. Yɛ, áǒgoisaga.

Málikɔ 6:34

Ɓî Yéso aki ye ka koko, áɔɔna usɛsɛ ángbó á ɓakpa, áǒkuia ngomi nga, ɗáɓátú ɓea ɓamɔgɔgɔ kángá á mɓondigi. Kaɓondɔ, áokpanga goisaga aɓɔ kema ásii.

Lóka 12:1

Wandɔ, usɛsɛ á ɓakpa ɓáotúndukanaga. Ɓáoɓá ɛlɛphu na ɛlɛphu na ka ɓî ɗáɓáɗɛtɛanigi. Yéso â phɔ́ kǒngoɗeaga ɓagoigi nɛkɛ mosá ka mpɛphɛ gea: «Óengani na cacu ájeɗe ndea Ɓaphaisáyɔ. Ande gea, maibe-maibe nɛɓɔ.

Lóka 5:17

Esa ímoci, ɓî Yéso ɗáogoisaga, Ɓaphaisáyɔ na ɓagoisigi-ɛɔphi ɗáɓáiki ka mpɛphɛ akɛ. Ɗáɓátóki ka nji ɗanga-ɗanga á ka Galiláya n'índe á ka Yudɛ́a na á ka Yɛusalɛ́ma. Ɓukpɛkpɛ á Mɔkɔta Mokonga ɗátú suɓi akɛ ka amisa á ɓasambi.

Lóka 8:1

Mbusa á wa, Yéso áoga ka ntanga-nji na ka nji nɛngbo abɔbɔa. Kó, áɔ̌tɔmiaga ɓakpa na phɛá aɓɔ, Mbino-Ánjá á koɓoamɛ ndea Mokonga. Ɓagoigi nkama na ɓaɓɛ (12) ɓáotamba kimoci na yɛ.

Lóka 8:11

Cɔ, kantíti á mɛní ndɔ a ɓe: Mbó ndɔ ande Nyɔngɔ á Mokonga.

Ekuma á ɓateki 11:19

Mbusa á mowa á Sɛtɛphánɔ, ɓaɓêki ɗáɓáphanjekani ka nyɔngɔ á tambaga. Ɓɔ ɓáoga na Phɔinikía, ɓuangbo na Kipúɔ, ɓuangbo na Antiɔkía. Kó, ɗáɓá tɔ ɔphɛa nyɔngɔ á Mokonga ka Ɓayúda.

Ekuma á ɓateki 14:25

Mbusa, ɓáɔphɛa nyɔngɔ á Mokonga ka Pɛ́ɛga. Mpɔ, ɓáɔtɔnganaga na Atalía.

Ekuma á ɓateki 16:6

Pɔ́lɔ na ɓadakɛ ɓáɔnyɛ́nya ka nji bui á Phuigía na Galatía nga, Měma á kanga ɓojeɗe ɗáéimisíí tɔ̌miaga á nyɔngɔ á Mokonga ka nji á ka Asía.

Ekuma á ɓateki 8:25

Cɔ, ɓateki ɓaɓɛ ndɔ ɓágɔɓi ye tɔ̌miaga na phɛá á nyɔngɔ á Mɔkɔta, ɓáosikianaga, ɓáoga na Yɛusalɛ́ma. Na ɓá phɔ́tɔ k'aphe, ɓáɔtɔmiaga Mbino-Ánjá ndea Mokonga ka nji ásii á ka Samalía.

Ɓalɔ́ma 10:8

Cɔ, Ɓuku á Mokonga ayɔngi ɓoni? Ayɔngi gea: «Nyɔngɔ á Mokonga a bíbí akɔ, a k'aphenɔkɔ akɔ na suɓi á měma akɔ.» Nyɔngɔ á Mokonga ndɔ, ande mbino nde ɓɛɔtɔmiaga ú ka nyɔngɔ á ɓeekea.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.