Málikɔ 2:18 - Ɔngana á Kɛ̌kɛ

¹⁸ Esa moci, ɓagoigi ndea Yoáni na Ɓaphaisáyɔ ɓáoika kángá á eaga ka nyɔngɔ á mɛma á Mokonga. Kaɓondɔ, ɓakpa ɓáondonda Yéso, ɓáomúsia te: «Nyɔngɔ sina nde ɓagoigi ndea Yoáni na Ɓaphaisáyɔ, ɓáoika kángá á eaga ka nyɔngɔ á mɛma á Mokonga, ɓagoigi nɛkɔ ɓákáogea ɓó ka ɓo?»

Málikɔ 2:18 Iomraidhean Croise

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 6:18

ka gea ɓakpa ɓákáúbɛmbɛ gea te oiki kángá á eaga ka nyɔngɔ á mɛma á Mokonga. Abakɔ sisakɛ mmbɔ á kó ka ɓɔsɔmɛa aúbande. Abakɔ mmbé aɔɔna kema nde oogea ka ɓɔsɔmɛa, akophendande.

Málikɔ 2:19

Yéso áǒsikisia te: «Ɓato á ɛkɛka ɓáikimbɛ mɔnɔ kángá á eaga na mǒko-ɛ́kɛka a kimoci na ɓɔ? Ɓɛɛndɔ. Ka mbenɔ bui nde mǒko-ɛ́kɛka a kimoci na ɓɔ, ɓánáɔtɔka na ɓáiki kángá á eaga.

Lóka 18:12

Eme gǎkɛ, neoika mɔngɔ iɓɛ ka pɔsɔ moci kángá á eaga ka nyɔngɔ á mɛma á Mokonga. Ka phaeka moci á nkama, ɛ́tɔi nɛmɔ bui, neokopha.›

Ɓalɔ́ma 10:3

Nga, ɗáɓákáoúba moangɔ ndea Mokonga ka bisa ɓakpa ɓato á koɗoni mosá akɛ, ɓâ ndiu okáɓa bisa á koɗoni nɛɓɔ sasaɓɔ, ɓákákondɛ ɓeá aphe á koɗoni ndea Mokonga.