Málikɔ 2:16 - Ɔngana á Kɛ̌kɛ

¹⁶ Ɓaphaisáyɔ ɓunde ɓánde ɓaɗundu-ɛɔphi ɓáɔni ye ɓî Yéso ɗátú oeaga na ɓato á ɓojeɗe na ɓaphendisigi-manjanja, ɓáǒngoɗea ɓagoigi nɛkɛ te: «Ka nyɔngɔ sina nde Yéso aoeaga na ɓaphendisigi-manjanja na ɓato á ɓojeɗe?»

Málikɔ 2:16 Iomraidhean Croise

Matáyɔ 18:17

Aoɓá gǎkɛ na káɛɓɔ́ki, tɔ̌mia nyɔngɔ nɛkɛ ka kanisa. Aoɓá n'ayé phɔtɔ ɔ́ka á kanisa, ntángá ɓea mphendisigi-manjanja, na nkpa nde nna mɓêki.

Matáyɔ 5:46

Aoɓá na ɓǒkondi tɔ ɓundɔ ɓáonókonda, ɓooɓondea ophendɔ ka Mokonga ka ɓo? Ɓaphendisigi-manjanja ɓá phɔtɔ ogea ɓó.

Matáyɔ 9:11

Ai ɓî Ɓaphaisáyɔ ɓáɔni ɓó, ɓáǒúsia ɓagoigi nɛkɛ te: «Ka nyɔngɔ sina nde ngoisigi nɛnu aoeaga kimoci na ɓaphendisigi-manjanja na ɓato á ɓojeɗe?»

Málikɔ 2:15

Mbusa, Yéso áoeaga mɔtɛ á Láwi. Ɓaphendisigi-manjanja ɓásii na ɓato á ɓojeɗe ɓáoeaga kimoci na Yéso na ɓagoigi nɛkɛ nga, ɓakpa ɓásii á etéte ndɔ unge ɗáɓáomɓea.

Málikɔ 2:7

«Mogaa nde ayɔngi ɓo ka ɓo? Ambómi Mokonga nga, ani mmbé aɔtɔka n'aími ɓojeɗe na nna tɔndɔ Mokonga sasakɛ?»

Lóka 18:11

Mophaisáyɔ áǒmesia, áɔmɛma Mokonga ka měma akɛ sasakɛ ɓe: ‹Hoo Mokonga! Nekosikisíí ɓosegi nga, ké ɓea ɓakpa ɓuangbo ɓunde ɓánde ɓakukuɓa, ɓato á kanga koɗoni, ɓato á iɛɓɛ. Nekosikisíí phɔtɔ ɓosegi gea, ké ɓea mphendisigi-manjanja ndee.

Lóka 19:10

Nga, eme Muna-Nkpa, nebiki k'aphe á kaɓa na amisa á ɓakpa nde ɗáɓáɓúngigi.»

Lóka 19:7

Ɓakpa ɓɔbu ɓáɔni ye ɓó, ɓáɔngɔngɔnaga, ɓáogea: «Ai! Mogáa nde age oika k'éndu ndea nto á ɓojeɗe?»

Lóka 5:30

Mpɔ, Ɓaphaisáyɔ na ɓadaɓɔ ɓaɗundu-ɛɔphi, ɓáɔ̌ngɔngɔnɛaga ɓagoigi ndea Yéso: «Kanyɔngɔ sina nde ɓooeaga na noa kimoci na ɓaphendisigi-manjanja na ɓato á ɓojeɗe ɓunɛngbo?»

Ekuma á ɓateki 23:9

Kaɓondɔ, eongo áoɓá phɛɛ, mpɔ, ɓaɗundu-ɛɔphi ɓunɛngbo ɓundɔ ɓá ka ketoto á Ɓaphaisáyɔ, ɓáoma, ɓáoyá na měma moci gea: «Ɓɛ́kɛ́ɔɔna ɓojeɗe ka nkpa ndee. Kaɓɛ n'ande nketi aámbé áɔyɔnga, kaɓɛ malaéka, ɓékéoúba.»

1 Ɓakɔlítɔ 2:15

Nkpa nde ana Měma á Mokonga, aɔtɔka n'ateni nyɔngɔ bui. Nkpa nna gǎkɛ ɔtɔka n'ateni nyɔngɔ nɛkɛ.

Ɓaɛbulanía 12:3

Eya, nkanisiani Yéso. Nanga ɓî ɓato á ɓojeɗe ɗáɓánkangei phɛɛ, ɗáphiphíí. Geani tɔ ɓó ka gea te, měma anu kaɛlɛmbɛ na ɗeketa á nseɓeɔ.