Málikɔ 2:13 - Ɔngana á Kɛ̌kɛ

¹³ Yéso â goto oga ka mpɛphɛ á etǔ Galiláya. Ɓakpa ɓásii ɓáobika ondonda. Yɛ, áǒgoisaga.

Málikɔ 2:13 Iomraidhean Croise

Matáyɔ 13:1

K'ésa ndɔ Yéso ɗájúani k'éndu áoga oika ka ɔɓɛɛ á etǔ.

Matáyɔ 9:9

Ka gǎ á Yéso, áɔmɔna nkpa moci n'aiki ka ntua á phendisaga á manjanja, ina akɛ: Matáyɔ. Yéso áongoɗea te: «Ómoɓea!» Matáyɔ áoma, áomɓea.

Málikɔ 1:45

Nto á kukuwa á sǔ ndɔ â ndiu oga okpanga tɔ̌miaga á nyɔngɔ nɛkɛ ka ntanga mosá á ɓakpa ɓɔbu. Kaɓondɔ, Yéso katɔkɛ ye ngia ka ntanga-nji k'íso á ɓakpa, â ndiu oga oika ka nkanda. Ɓakpa ɓâ gǎkɛ otóka ɔma bui, ɓáobika ondonda.

Málikɔ 10:1

Yéso atóki ye wa, áoga ka phaeka ntanga-nji nɛngbo á Yudɛ́a kubi á Yɔɔdáni. Kó, usɛsɛ á ɓakpa ɓâ goto odondana bíbí akɛ, áokpanga goto goisaga ɓíndɔ ɗáɛmbani ně.

Málikɔ 2:2

Kaɓondɔ, ɓakpa ɓásii ɓáodondanaga wa, na ka ɓî ɓakpa ɗáɓáɓɔkani suɓi éndu phɔtɔ k'íso á mpume, Yéso n'aɔ̌phɛa nyɔngɔ á Mokonga.

Málikɔ 4:1

Yéso ɗákpangi goto goisaga ka mpɛphɛ á etǔ á ka Galiláya. Usɛsɛ ángbó á ɓakpa ɓáodondanaga bíbí akɛ. Kaɓondɔ, áokamɓea ka koko, áoika kau. Ɓakpa ɗáɓátú ka motii iɓo.

Lóka 19:48

Cɔ, ɓɔ gǎkɛ, ɗáɓákáúbi moangɔ á tɔtɔkisa í nga, ɓakpa ɓɔbu ɗáɓá na mɔphɛ á ɔ́ka akɛ phɛɛ.

Lóka 21:38

Ɓakpa ɓɔbu ɗáɓáobika mɔtɛ á Yéso kamɓimba k'aphe á ɔ́ka ɓɔphɛi nɛkɛ k'éndu á Mokonga.