Málikɔ 16:9 - Ɔngana á Kɛ̌kɛ

⁹ Yéso ɗájujúki ye ka kukuwa, kamɓimba esa á yenga, â phɔ́ ǒphangisia ka Malía Magadala, mmbɔ ɗámphúi ɓansombo.

Málikɔ 16:9 Iomraidhean Croise

Matáyɔ 27:56

Sɔsɔɓɛ á ɓake ndɔ, ɗátú Malía nseka á ka nji Magadála, Malía amakɛ na Yakɔ́ɓɔ na Yɔsɛ́phu, na ama ɓana Jɛbɛdáyɔ.

Málikɔ 15:40

Ɓake ɓuangbo ɗáɓá phɔtɔ wa. Ɗáɓáoenga na ɓámame ɗanga. Ina á ka ɓɔ aungee: Salɔ́mɛ, Malía ɓa Magadála na Malía ama-moganda Yakɔ́ɓɔ na Yɔ́sɛ.

Málikɔ 15:47

Malía nseka á ka Magadála na Malía ama-Yɔ́sɛ, ɗáɓátú ɔɔnjia ɔma nde ɗáɓámúmbi Yéso.

Málikɔ 16:8

Ɓake ndɔ ɓáojuana ka bóta, ɓáoga mbangɔ. Ɗáɓáɔkpɔkpɔmaga, ɓáoyayama. Ɗáɓákámúbisi nkpa nyɔngɔ ndɔ nga, ɗáɓá na kɔɓɔɓɔkɔ. [

Lóka 24:10

Ɓake ndɔ ɗáɓátú: Malía Magadála, Yɔána, Malía ama-Yakɔ́ɓɔ na ɓake ɓuangbo ɓunde ɗáɓátú kimoci na ɓɔ. Ɗáɓětɔ̌migi ɓateki mbino ndɔ,

Lóka 8:2

Ɓake moci-moci ɓâ phɔtɔ omɓea Yéso. Ɗáɓátú ka ɓundɔ Yéso ɗéamisi ka kukuwa ɗanga-ɗanga na kukuwa á ɓansombo. Sɔsɔɓɛ aɓɔ ɗáɓátú: Malía nseka á ka Magadála, mmbɔ ɓansombo ngianjaga iɓɛ (7) ɗáɓánjúani,

Yoáni 20:12

Kó, áɔ̌ɓɔna ɓamalaéka ɓaɓɛ na ɓáɔ́li ngɔ́mbɛ ábu na ɓáiki ka oɗo ɔma nde ɗáɓábisi mǒnda á Yéso. Moci ɗáiki nci á na mɔ̌, ɓaangbo gǎkɛ â koika nci á n'ecinji.

Ekuma á ɓateki 20:7

Esa á pɔsɔ ɔgɔgɔ, ɓéodondana ka eaga kimoci. Wa, ɓî ɗákondi mɛa á mama í, Pɔ́lɔ áoɓota ɓɔphɛi nɛkɛ na ka ɓî esa ɗágabekani.

1 Ɓakɔlítɔ 16:2

Esa á yenga bubui, nkpa na nkpa ábisɛ ka mpɛphɛ, phaeka á imɔna nde aně mɔtɛ-akɛ, ka ɓeana n'ɛtɔi nɛkɛ ka gea, ɓókókaɓɛgɛ mɔnɔ ye imɔna mbenɔ nde nekiɗiande.

Mphaniɔ 1:10

Cɔ, ɗátú esa á Mɔkɔta, Měma á Mokonga ɗámɔgɔni, nɛ́ɔɔ́ka ɛsɔ mbusa ani n'akpɛ ɓea ɛsɔ á mbengu.