Málikɔ 16:20 - Ɔngana á Kɛ̌kɛ

²⁰ Ɓagoigi gǎkɛ, ɓáoga ɔtɔmiaga Mbino-Ánjá k'ɔ́ma bui. Mɔkɔta Yéso áoɓá na ɓɔ k'ékuma bui. Áoɗokomisa ɓɔphɛi nɛɓɔ ka ketangaɔ nde ɗáɓátú ɔtɔtɔkisa.]

Málikɔ 16:20 Iomraidhean Croise

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Lóka 1:1

Mɔkɔta Tɛɔphílɔ, Ɓakpa ɗanga-ɗanga ɗáɓákengi ɗundua nyɔngɔ á Mɔkɔta, nnde ɗágeani sɔsɔɓɛ asu.

Lóka 1:2

Ɗáɓáúsigi nyɔngɔ ndɔ ka ɓaɗigimisi ɓundɔ ɗáɓáɔni kema bui ka nkpangeɔ í, ɓáoɓá ɓabɛɗanigi á tɔ̌miaga nyɔngɔ á Mokonga.

Ekuma á ɓateki 14:3

Pɔ́lɔ na Baanába, ɓâ gǎkɛ oika kó esa ásii. Ɓáosuia tɔ̌miaga á nyɔngɔ á Mɔkɔta kángá á ngǎka na seɓea akɛ. Mɔkɔta â koopha ɓukpɛkpɛ á tɔtɔkisa ketangaɔ na mphangiɔ ásii. Nndɔ unge aengekisi ɓɔphɛi á ɓonjánja-ékondi nɛkɛ gea ande ɗoni.

Ekuma á ɓateki 4:30

Phangia ɓukpɛkpɛ nɛkɔ ka tɔtɔkisa á ɓoamia, mphangiɔ na ketangaɔ k'ína á mbɛɗanigi nɛkɔ Yéso, nto á kanga ɓojeɗe.»

Ekuma á ɓateki 5:12

Ɓateki ndea Yéso ɗáɓáɔtɔtɔkisa ketangaɔ na mphangiɔ ásii sɔsɔɓɛ á ɓakpa. Ɓaɓêki ɗáɓáɛmbani dondanaga kimoci ka ntua ndea Moamɛ Sɔlɔmɔ́nɔ.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓaɛbulanía 2:3

Cɔ, ɓeúkande tena á nyɔngɔ ndeasu akpɛ ɓo, kaɓɛ na ɓɛɓɛnjigi nyɔngɔ ángbó á ɓoamia ɓínde? Nga, nyɔngɔ ndɔ Mɔkɔta aámbé ɗákpangi tɔ̌mia í, mpɔ ɓunde ɗáɓáɔ́ki ɓáoengekisa ka ɓesu.

Ɓaɛbulanía 2:4

Mokonga â gǎkɛ oɗigimisa nyɔngɔ nde ɗáɓátɔ̌mi, ka tɔtɔkisa á mphangiɔ na ketangaɔ ɗanga-ɗanga phɔtɔ ɓî agabi Měma á kanga ɓojeɗe ɓíndɔ ɗákondi.