Málikɔ 16:17 - Ɔngana á Kɛ̌kɛ

¹⁷ Ɓágeande ketangaɔ ndee: Ka ina ani, ɓáphúiande ɓansombo suɓi á ɓakpa, ɓáyɔngande k'ɛ́yɔngi á kɛ̌kɛ.

Málikɔ 16:17 Iomraidhean Croise

Málikɔ 9:38

Mbusa á wa, Yoáni áongoɗea Yéso te: «Ngoisigi, ɓɛmɔni nkpa moci n'aóɓeaga ɓansombo k'ína akɔ, ɓê gǎkɛ onimisia, nga yɛ nna ka ɓesu.»

Lóka 10:17

Mbusa á tamba nɛɓɔ, ɓateki ndɔ nkama ngianjaga iɓɛ na ɓaɓɛ (72), ɓáoja na ɓátúmi na maseye phɛɛ, ɓáogea: «Mɔkɔta, ɓansombo ɗáɓátú phɔtɔ ɔsɔ́ɔ́ka k'ína akɔ.»

Yoáni 14:12

Nenóngoɗi ɗoni, nkpa nde amoɓeeki, abɛɗanagande ekuma ɓíndɔ nɛbɛɗanigi. Atɔtɔkisande phɔtɔ kema ángbó kɔmɔnyɛ́nya. Nga, nege ye mɔtɛ á Abɛ.

Ekuma á ɓateki 10:46

Nga, ɗáɓɛ̌ɓɔ́ki na ɓáombeba Mokonga ka ɛyɔngi nɛngbo. Mpɔ, Pɛ́tɛɛ áogea,

Ekuma á ɓateki 16:18

Ɗáogeaga ɓó ka ɓ'esa ásii. Kaɓondɔ, Pɔ́lɔ áɔɓɛa phɛɛ, áǒpháia, áǒngoɗea ɓansombo ndɔ gea: «Nenososi k'ína á Yéso Kiísito, tókani suɓi á nke ndee.» Kɛ̌kɛndɔ tɔ, ɓansombo ndɔ ɓáontóka.

Ekuma á ɓateki 19:6

Mpɔ, Pɔ́lɔ áobisa njaga gǔ á ɓɔ, Měma á kanga ɓojeɗe áodida gǔ á ɓɔ, ɓáokpanga yɔnga k'ɛyɔngi ɗanga-ɗanga na ɔtɔa á nyɔngɔ.

Ekuma á ɓateki 2:33

Ɓî Mokonga antáisi na bisa akɛ ka njaga akɛ á mǔku, áoɓá na Měma á kanga ɓojeɗe nnde yɛ abakɛ ɗámɔku. Yéso aámbé aɛmbisi kema nde ɓɔɔ́ka na nnde ɓɔɔna ka ɓesu.

Ekuma á ɓateki 5:16

Usɛsɛ á ɓakpa á ka ntanga-nji á ka mpɛphɛ á Yɛusalɛ́ma, ɓâ phɔtɔ ǒbika na ɓasambi, na ɓato á kukuwa á ɓansombo, ɓáoama ka njaga á ɓateki.

Ekuma á ɓateki 8:7

Nga, ɓansombo ɓásii ɗáɓáojuana suɓi á ɓasambi na ɓáokoga akpɛ. Ɓato á kukuwa á kiɗɔti á nyama kángá emana na ɓaketǔmbe ɓásii ɓâ phɔtɔ oama.

1 Ɓakɔlítɔ 12:10

Aomopha nkpa moci, ɓukpɛkpɛ á tɔtɔkisa á ketangaɔ, moci, ɓukpɛkpɛ á ɔtɔa á nyɔngɔ ndea Mokonga, moci, ɓukpɛkpɛ á úba engekisa Měma Ánjá na měma ájeɗe, moci, ɓukpɛkpɛ á yɔnga ɛyɔngi nde ɓakpa ɓánáoúba, moci, ɓukpɛkpɛ á kětia á ɛyɔngi ndɔɔ.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 12:30

ɓaamisigi ɓato ésambɔ, ɓáyɔngi ɛyɔngi nde ɓakpa ɓánáoúba, ɓɔ ɓáunge ɓáoketia ɛyɔngi ndɔɔ.

1 Ɓakɔlítɔ 13:1

Nanga nɛ́yɔnga na ɛyɔngi ɗanga-ɗanga ndea ɓakpa, na nnde á ɓamalaéka, na ké gǎkɛ n'ekondi, ɛsɔ ani a ɓea ayomɛ n'ɔkɔtɔ.

1 Ɓakɔlítɔ 14:2

Mmbé aɔyɔnga ɛyɔngi nde ɓakpa ɓánáoúba, nnaɔyɔnga na ɓakpa, a ndiu ɔyɔnga na Mokonga. Nga, nna na nkpa nde aoengekisa nyɔngɔ nde aɔyɔnga. Aɔyɔnga kema á ɓɔsɔmɛa ka ɓukpɛkpɛ á Měma á Mokonga.