Málikɔ 16:16 - Ɔngana á Kɛ̌kɛ

¹⁶ Nkpa nde aɓeekeande, ɓáomɓatisa, yɛ aámbé Mokonga anamisande. Cɔ, mmbé káɓeekeɛku, Mokonga atenande nyɔngɔ nɛkɛ akpɛ.

Málikɔ 16:16 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Málikɔ 1:15

Áogea te: «Cɔ, mbenɔ ajú nga, koɓoamɛ ndea Mokonga a ye tɔ bíbí. Kětiani tambea anu ájeɗe, ɓóɓeekeɛ Mbino-Ánjá.»

Lóka 8:12

Ɓakpa ɓuangbo ɓá ɓea mbó ndɔ ɗágu k'aphe. Ɓáɔɔ́ka Nyɔngɔ á Mokonga. Nketi â gǎkɛ otókisa ka měma aɓɔ, ka gea ɓákáɓeekeɛ na ama ka měma.

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Yoáni 3:36

Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Yoáni 6:29

Yéso áǒsikisia te: «Ekuma nde Mokonga akondi ka ɓenu, ande ɓeekea á mmbé anteki.»

Yoáni 6:35

Mpɔ, Yéso áɔ̌tɔmia ɓe: «Nende Mokati á endisa. Mmbé amobikíí, kákuwɛku tanda na nja na mmbé amoɓeeki, kákuwɛku tanda n'ɛnyɔta.

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Yoáni 8:24

Ka nyɔngɔ índɔ unge nenóngoɗi ye tɔ gea, ɓokuwande ka nyɔngɔ á ɓojeɗe nɛnu. Nga, aoɓá na ɓókóɓeeki gea te: ‹EME NEƁEI,› ɓokuwande ka ɓojeɗe nɛnu.»

Ekuma á ɓateki 10:43

Ɓaɔtu-nyɔngɔ ndea Mokonga ɓɔbu ɗáɓán'yɔngɛi gea, nkpa buakɛ, mmbé aomɓeekea, Mokonga áímande ɓojeɗe nɛkɛ ka ɓukpɛkpɛ á ina á Yéso.»

Ekuma á ɓateki 13:46

Pɔ́lɔ na Baanába, ɓâ gǎkɛ ǒsikisia nyɔngɔ na nténdé ɓe: «Ɓenu ɓáunge ɓátókeni phɔ́ ɓánɔphɛɛ Nyɔngɔ á Mokonga mosá! Cɔ, ɓî ɓoyé, na ɔna gea te, ɓókókeni ɓá na enda á mɛyɔ, ɓegande k'ékuna nɛngbo.

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 2:41

Cɔ, ɓakpa nde ɗáɓáɓeeki nyɔngɔ ndea Pɛ́tɛɛ, ɓáǒɓatisa. K'ésa ndɔ tɔ, ɓakpa ɓea ɛlɛphu isaɔ (3.000), ɓáǒyamea ka nkíndí á ɓaɓêki.

Ekuma á ɓateki 22:16

Cɔ, kɛ̌kɛnde, kema sina nde ooɓondea? Má, ɓáoɓatisɛ, ɔ́mɛmɛ Mokonga ka gea te, áímɛ ɓojeɗe nɛkɔ.›

Ɓalɔ́ma 3:6

Tanda phɔ́! Atúoɓá Mokonga na nna nto á ɗoni atótenande nyɔngɔ ndea ɓato á ka mokonda?

Ɓalɔ́ma 4:24

A ndiu phɔtɔ ka phɔasu íɓunde Mokonga asotangande ɓato á koɗoni, ɓesu íɓunde ɓemɓeeki Mokonga gea, ɗánjujúkisi Mɔkɔta nɛsu Yéso ka kukuwa sɔsɔɓɛ á ɓasí.

2 Ɓatɛsalɔníka 1:8

Adidande k'ɛɛmbɛ á nsa. Aětambisagande ɓunde ɓánaomúba Mokonga, na ɓunde ɓáoyá ɓeekea á Mbinɔ-Ánjá ndea Mɔkɔta nɛsu Yéso Kiísito.

2 Ɓatɛsalɔníka 2:12

Kaɓondɔ, Mokonga ateni nyɔngɔ á ɓakpa ɓɔbu ɓunde ɓákáɓeeki ɗoni, ɓâ ndiu okonda ɓojeɗe.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

Mphaniɔ 20:15

Ɗáɓáemaki ka ɛɛmbɛ á nsa, ɓakpa ɓɔbu ɓunde ɗáɓákáɗundu ina aɓɔ suɓi á ɓuku á enda.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»