Málikɔ 16:1 - Ɔngana á Kɛ̌kɛ

¹ Saɓáto asi ye, Salɔ́mɛ, Malía Magadála, na Malía ama-Yakɔ́ɓɔ, ɗáɓásombi nkoki ka gǎ á saɓisa na mǒnda á Yéso.

Málikɔ 16:1 Iomraidhean Croise

Málikɔ 14:3

Wandɔ, Yéso ɗátú na Bɛtanía, k'éndu ndea Simɔ́ni, mmbé ɗáami na kukuwa á sǔ. Mbenɔ nde ɗáɓátú oeaga, nke moci áongia kuɓî ɓáiki. Ɗátú na nkoki á Nadɔ, nnde ɗáɓáɓɔngisigi ánjá na esombi í ɗátú akpɛ phɛɛ. Áɔpɛpa ngbanda á nkoki ndɔ, áoɗukia ka mɔ̌ á Yéso.

Málikɔ 14:8

Nke nde agi nnde atɔki. Amosǐ nkoki ka ɓɔngisiaga á nyama ani mosá á úmba ani.

Málikɔ 15:40

Ɓake ɓuangbo ɗáɓá phɔtɔ wa. Ɗáɓáoenga na ɓámame ɗanga. Ina á ka ɓɔ aungee: Salɔ́mɛ, Malía ɓa Magadála na Malía ama-moganda Yakɔ́ɓɔ na Yɔ́sɛ.

Málikɔ 15:42

Cɔ, ɗátú ye ɔgɔgɔ. Ka nyɔngɔ nde ɗáɓátú ɔɓɔngisiaga esa á saɓáto,

Málikɔ 15:47

Malía nseka á ka Magadála na Malía ama-Yɔ́sɛ, ɗáɓátú ɔɔnjia ɔma nde ɗáɓámúmbi Yéso.

Málikɔ 16:2

Aɓi ye esa á yenga kamɓimba, ka juana á maní, ɓáoga ka bóta.

Málikɔ 16:8

Ɓake ndɔ ɓáojuana ka bóta, ɓáoga mbangɔ. Ɗáɓáɔkpɔkpɔmaga, ɓáoyayama. Ɗáɓákámúbisi nkpa nyɔngɔ ndɔ nga, ɗáɓá na kɔɓɔɓɔkɔ. [

Lóka 23:54

Ɗátú esa á ko ɓɔku bíbí á kpangá á saɓáto.

Lóka 23:56

Mpɔ ɓáoja ka ɓɔngisia ɔphɔ á su ánjá na nkoki ka nyɔngɔ á mǒnda á Yéso. Nga, ɗáɓáoúmbia esa á saɓáto ɓíndɔ ɛɔphi nɛɓɔ asosi.

Lóka 24:1

Esa á yenga ka koɗokanaga á esa, ɓake ɗáɓáge ka bóta na ɓákumbi ɔphɔ á su ánjá, na nkoki nde ɗáɓáɓɔngisigi,

Yoáni 19:25

Cɔ, amakɛ na Yéso, mɔtɔ-amakɛ, Malía nka Kleɔpási na Malía nseka á ka Magadála ɗáɓámamege bíbí á moyangɔ ndea Yéso.

Yoáni 19:31

Cɔ, esa ndɔ ɗátú esa á ɓɔngisiaga á saɓáto. Kaɓondɔ ɓakɔta á Ɓayúda ɗáɓákáokonda saɓáto ádondɛ mǒnda á ɓakpa ka moyangɔ nga, esa á saɓáto ndɔ, ɗátú esa ángbó phɛɛ. Wa, ɓáomɛma Pilátɔ gea, áesoseɛ ɓakpa ɓáɓunɛgɛ ecinji á ɓunde ɓá ka moyangɔ na ɓáephúiɛ.