Málikɔ 15:47 - Ɔngana á Kɛ̌kɛ

⁴⁷ Malía nseka á ka Magadála na Malía ama-Yɔ́sɛ, ɗáɓátú ɔɔnjia ɔma nde ɗáɓámúmbi Yéso.

Málikɔ 15:47 Iomraidhean Croise

Matáyɔ 27:56

Sɔsɔɓɛ á ɓake ndɔ, ɗátú Malía nseka á ka nji Magadála, Malía amakɛ na Yakɔ́ɓɔ na Yɔsɛ́phu, na ama ɓana Jɛbɛdáyɔ.

Matáyɔ 27:61

Malía nseka á ka Magadála na Malía ɓaangbo, ɗáɓáiki wa, k'ɔ́ma nde ɗáɔɛnjiana na bóta.

Matáyɔ 28:1

Mbusa á saɓáto, ka koɗokana á esa á yenga, Malía á ka Magadála na Malía ɓaangbo, ɓáoga ɔɔnjia bóta.

Málikɔ 15:40

Ɓake ɓuangbo ɗáɓá phɔtɔ wa. Ɗáɓáoenga na ɓámame ɗanga. Ina á ka ɓɔ aungee: Salɔ́mɛ, Malía ɓa Magadála na Malía ama-moganda Yakɔ́ɓɔ na Yɔ́sɛ.

Málikɔ 15:46

Wandɔ, Yosɛ́phu áosomba sanda, áokisa mǒnda á Yéso gǔ á moyangɔ, áoɓóaga ú na sanda ndɔ, áoga oúmba ka kubu ókanga. Áoɗaka bóta ndɔ n'ɛtɛ ángbó.

Málikɔ 16:1

Saɓáto asi ye, Salɔ́mɛ, Malía Magadála, na Malía ama-Yakɔ́ɓɔ, ɗáɓásombi nkoki ka gǎ á saɓisa na mǒnda á Yéso.

Lóka 23:55

Mpɔ ɓake ɓunde ɗáɓáomɓea Yéso ka toka na Galiláya ɓáomɓea Yosɛ́phu, k'aphe á ɛnjia bóta na ɔna mmbe ɓátóúmbi mǒnda akɛ ɓo.