Málikɔ 15:43 - Ɔngana á Kɛ̌kɛ

⁴³ nkpa moci, ina akɛ Yɔsɛ́phu, nto á ka Aimatɛ́a, ɗátú ka ɓakɔta á ɓateni-nyɔngɔ ndea Ɓayúda áokiɗia. Ɗátú phɔtɔ oɓondea kiɗia á koɓoamɛ ndea Mokonga. Cɔ, yɛ ɗáge ondonda Pilátɔ, kángá á ɓanga, ka mɛma mǒnda á Yéso.

Málikɔ 15:43 Iomraidhean Croise

Matáyɔ 19:30

Cɔ, ɓakpa ɓásii nde ɓá gǎkɛ kɛ̌kɛnde ɓato á k'ama mosá-mosá ɓáɓande ɓato á mbusa, na ɓato á mbusa, ɓáɓande ɓato á k'ama mosá-mosá.»

Matáyɔ 20:16

Yéso áɔgɔɓɛa nyɔngɔ ɓe: «Kaɓondɔ unge, ɓato á k'ama mosá-mosá ɓáɓande ɓato á mbusa, na ɓato á mbusa, ɓáɓande ɓato á k'ama mosá-mosá.»

Matáyɔ 27:57

Aɓi ye ɔgɔgɔ, ntɔi moci ina akɛ Yɔsɛ́phu áokiɗia. Yɛ, ɗátú nto á ka ntanga-nji Aimatɛ́a.

Málikɔ 14:54

Pɛ́tɛɛ ɗáomɓea Yéso ka ɗanga. Áongia ka ntanga á endu ndea ngbɛga á ɓatoɓeigi-phɛ́a. Áoika ka oɗo n'aɔɔta nsa, bíbí á ɓabɛɗanigi.

Málikɔ 15:44

Pilátɔ â gǎkɛ oyayama ka ɔ́ka gea te, Yéso a ye ku. Cɔ, áɔmɔphana mɔkɔta á ɓato émani, áomúsia ámbé Yéso aɗɔima kala.

Lóka 2:25

Cɔ, nkpa moci ɗátú ka Yɛusalɛ́ma, ina akɛ Simɛɔ́ni. Ɗátú nto á koɗoni na nto á konda á Mokonga phɛɛ. Ɗáomɓondeaga Namisi á Ɓaisilaɛ́li. Měma á kanga ɓojeɗe ɗá kimoci na yɛ.

Lóka 2:38

Ka mbenɔ ndɔ tɔ, áɔsɛkɛɗa mosá aɓɔ. Áombeba Mokonga, áɔtɔmiaga nyɔngɔ á miki Yéso ka ɓakpa ɓɔbu íɓundɔ ɗáɓáoɓondeaga gea Mokonga áamisɛ Yɛusalɛ́ma.

Lóka 23:50

Cɔ, mǒko moci ina akɛ Yɔsɛ́phu, ɗátú nto á Alimatɛ́a, nji á Ɓayúda. Ɗátú nto á koɗoni na měma ánjá, ɗá phɔtɔ oɓondea koɓoamɛ ndea Mokonga. Ɗátú ka ɓato á ntua á tena nyɔngɔ, ɗákáɓeekeani gǎkɛ na ɓɔ ka mɔangɔ ndɔ.

Yoáni 19:38

Mbusa índɔ, Yɔsɛ́phu, nto á ka Alimatɛ́a ɗátú ngoigi ndea Yéso ka ɓɔsɔmɛa nga, ɗáǒɓanga ɓakɔta á Ɓayúda. Yɛ ɗábiki ɔmɛma Pilátɔ gea, átokisɛ mǒnda á Yéso gǔ á moyangɔ. Pilátɔ áoɓeekea. Mpɔ, Yɔsɛ́phu áoga ophúia mǒnda akɛ.

Ekuma á ɓateki 13:50

Ɓayúda ɓâ ndiu ǒyombokisa ɓakɔta á nji, na ɓake á koomba ɓundɔ ɗáɓáombeba Mokonga. Ɓɔ, ɓáokpanga tambisaga á Pɔ́lɔ na Baanába, ɓáǒɓeaga ka nji nɛɓɔ.

Ekuma á ɓateki 17:12

Ɓayúda ɓásii sɔsɔɓɛ á ɓɔ ɓáoɓeekea. Ka Ɓagiíki, ɓake á koomba ɗáɓáɓeeki na ɓǒko ɓásii phɔtɔ.

Ɓaphilípi 1:14

Ɓî a ɓó, ɓadani ɓakiísito ɓásii ɓá ye tɔ na nténdé á ɓeekea á Mɔkɔta, phɔtɔ na éyamea ka tɔ̌miaga á nyɔngɔ á Mokonga kángá á kɔɓɔɓɔkɔ.