Málikɔ 15:32 - Ɔngana á Kɛ̌kɛ

³² Aoɓá n'ande Kiísito ɗoni, moamɛ ndea Ɓaisilaɛ́li, ákiɛ phɔ́ kɛ̌kɛnde ka moyangɔ, ɓɛ́ɔnɛ mpɔ ɓéɓeekeɛ.» Ɓakukuɓa ndɔ ɗáɓɛ̌kɔkɛigi na Yéso kimoci, ɓâ phɔtɔ onsungisiaga.

Málikɔ 15:32 Iomraidhean Croise

Matáyɔ 1:17

Cɔ, ka ɓɔbu ɗáɓátú ɛɓɔkɔti nkama na gena (14) kpanga ka Abalaámu, na gǎ jua ka Daúdi. Goto ɛɓɔkɔti nkama na gena (14) kpanga ka Daúdi na gǎ jua ka mbenɔ á gǎ na ɓɔ ka kɔkɔɓɛ na Babɛ́li. Goto ɛɓɔkɔti nkama na gena (14) kpanga á gǎ na ɓɔ na Babɛ́li, na ka sungiaga á ɓɔkɔtɛana á Kiísito.

Matáyɔ 27:42

«Ɗáeamisi ɓakpa ɓuangbo, nna gǎkɛ ɔtɔka n'ěamisi sasakɛ ee! Ande moamɛ ndea Ɓaisilaɛ́li, ambe ákiɛ pɛ kɛ̌kɛnde ka moyangɔ, mpɔ ɓemɓeekeande.

Matáyɔ 27:44

Ɓakukuɓa nde ɗáɓɛ̌kɔkɛigi ka moyangɔ kimoci na Yéso, ɓâ phɔtɔ onsungisiaga ɓó.

Málikɔ 15:26

Ɗáɓáɗundu kitɔngi akɛ gǔ á gáo ɓe: «Moamɛ ndea Ɓayúda.»

Málikɔ 15:27

Ɗáɓɛ̌kɔkɛigi phɔtɔ ka moyangɔ kimoci na yɛ, ɓakukuɓa ɓaɓɛ, moci njaga á mǔku, moci njaga á nkei. [

Yoáni 1:49

Kaɓondɔ, Natanaɛ́li áongoɗea: «Ngoisigi, onde Muna-Mokonga, Moamɛ ndea Ɓaisilaɛ́li.»

Yoáni 12:13

Ɓâ gǎkɛ ɔbɛɗa kasa á mbia, ɓáoga omɓondeaga ka ngba, na ɓáɔyɔnga k'ɛ́sɔ akpɛ te: «Obebɔ ka Mokonga! Ambe Mokonga ábisɛ njaga akɛ gǔ á mmbé abiki k'ína á Mɔkɔta! Mokonga ábisɛ njaga akɛ gǔ á moamɛ ndea Ɓaisilaɛ́li!»

Ɓalɔ́ma 3:3

Eya, Ɓayúda ɓunɛngbo ɗáɓákáɓeeki nyɔngɔ á Mokonga! Ɓî a ɓó, ande gea te, ka nyɔngɔ índɔ aunge Mokonga aguande ka koɗoni nɛkɛ?

2 Timɔtɛ́ɔ 2:18

Ɓɔ, ɓásagi ɓɔphɛi á ɗoni, ɓáɔyɔnga te, moangɔ á jujúka á ɓasí ka kukuwa a ye tɔtɔkɛani. Kaɓondɔ, ɓáoɓotea ɓeekea á ɓakpa ɓásii k'ódemayɔ.